Kukës, zhduket vajza 14 vjeçare

[font=Trebuchet MS]Një 14- vjeçare nga fshati Lusën i komunës Ujmisht të Kukësit, rezulton e humbur prej gjashtë ditësh dhe familjarët e saj ende nuk kanë asnjë informacion për vendodhjen e saj.
Adelina Lashi, është larguar nga banesa mesnatën e së dielës, pasi ka shkruar një letër ku bënte të ditur se kishte pirë lëndë helmuese dhe kishte shkuar në bjeshkën e fshatit.
Sapo kanë gjetur letrën, familjarët i janë drejtuar vendit ku mendohej se ndodhej vajza, kanë njoftuar edhe policinë dhe që prej asaj dite, nuk kanë reshtur kërkimet e përbashkëta.
Sipas drejtorit të Policisë së Qarkut të Kukësit, Sadri Ramcaj, 14- vjeçarja është shpallur person në kërkim dhe po bashkëpunohet me të gjitha komisariatet e vendit për të bërë të mundur marrjen e çdo lloj informacioni që mund të gjurmohet, raportoi AS.
Fotografia si dhe të dhënat personale të minorenes janë shpërndarë edhe në të gjitha pikë kalimet kufitare për të penguar daljen e saj jashtë territorit të Shqipërisë.