Situatë e qetë në veri.

Pas djegies së pikës kufitare në Jarinje dhe tërë asaj që ka ndodhur mbrëmë, nata në veri ka qenë e qetë. Në Jarinje janë prezentë pjesëtarë të KFOR-it, ndërkohë që edhe në Bërnjak vërehet prezencë më e shtuar e këtyre pjesëtarëve, të cilët kanë ardhur gjatë natës për të penguar incidentet këtu. Në rrugën nga Leposaviqi në drejtim të Mitrovicës, përkatësisht në Rudare, pastaj në Zupq dhe në disa lokacione tjera, ka pasur qytetarë serbë të tubuar, të cilët kanë qëndruar gjatë gjithë natës. Ura kryesore mbi lumin Ibër gjatë natës së mbrëmshme, por edhe sot, është e mbyllur për qarkullim të automjeteve dhe qytetarëve në përgjithësi, mbase ndonjë qytetar aty këtu mund edhe të kalojë. Mbi urë janë të vendosur njësitë speciale të policisë polake që shërbejnë në kuadër të misionit të EULEX-it, të cilat me automjetet e tyre të rënda pamundësojnë qarkullimin nga të dyja anët./Kosovapress/