KFOR-i fillon largimin e bllokadave nga rrugët e veriut

Burime të Kosovapress-it njoftojnë se KFOR-i amerikan ka heq një pjesë të barrikadave të Jarinja dhe ka dërguar në pikën doganore në Jarinje 11 policë shqiptarë dhe 4 doganier. Po ashtu KFOR-i gjerman, i pajisur me ekskavator dhe vinça, të vendi i quajtur “Kërrshi u Dudës” në veri, është në pritje për të reaguar në heqjen e barrikadave në drejtim të Zveqanit, të cilat i kanë vendosur strukturat paralele. Në Lagjen e Boshnjakëve, lagje e banuar me popullatë të përzier, mbretëron atmosferë e zymtë, nuk ka qarkullim në rrugë, derisa të gjitha dyqanet janë të mbyllura, pa dallim, si të shqiptarëve, po ashtu dhe serbëve./Kosovapress/