Fëmija njëmuajsh shtatzënë!

nga Єямєℓiиdå Thu 8 Sep 2011 - 1:38

Mjekët nga Arabaia Saudite kanë mbetur pa frymë kur derisa po kontrollonin një fëmijë femër njëmuajshe kanë zbuluar se ishte shtatzënë dhe kanë ndërmarrë një ndërhyrje urgjente kirurgjike për të mënjanuar fetusin nga barku i bebes.

Ky rast i pazakonshëm u zbulua pasi fëmija, vajzë, një muaj pas lindjes, me prerje cezariane, kishte filluar të kthente. E ëma e kishte çuar për kontroll, kurse mjekët kishin konstatuar se në barkun e saj ishte një fetus i pajetë.

“Vumë re se barku i saj ishte i fryrë në mënyrë të pazakonshme”, ka deklaruar dr. Saleh al Nasar, pediatër në spitalin “Mbreti Fisal”, në Riad.

“Testet treguan se në stomak kishte fetus. Operacioni për heqjen e tij ka zgjatur plot tri orë. Fetus i hequr peshonte 460 gramë dhe ishte i gjatë 12 centimetra” , ka thënë mjeku.