Tiranë, burri masakron me thikë ish-gruan, nënë e 2 fëmijëve të mitur

TIRANE-Kati i parë i një shtëpie dy katëshe rreth orës 13 e 10 minuta të së martës në Shkozë është kthyer në një skenë krimi brenda familjes. Haki Karoshi, pas një konflikti të momentit ka qëlluar disa herë me thikë në qafë ish-gruan e tij Servete Karoshi me të cilen ishte divorcuar prej mëse dy vjetesh pasi Gjykata e Shkallës së Parë Tiranë kishte vendosur që Servetes t’i lihej një dhomë e ndërtesës. Shkak i ndarjes mes çiftit prindër të dy femijëve 6 dhe 12 vjeç ishin bërë dyshimet e vazhdueshme të Hakiut për tradhëti bashkëshortore. Ndërkohë Haki Karoshi ishte martuar sërish dhe në të njëjtën shtëpi me dhoma të ndara jetonte me gruan dhe ish-gruan e tij. Sipas burimeve të policisë dhe komshinjve 30-vjeçarja Servete Karoshi punonte në një fabrike këpucësh prej disa vitesh dhe sipas tyre shpesh herë ishte përballur me dhunë sistematike të bashkëshortit të saj.

Forcat e komisariatit 4 vetem disa minuta pas ngjarjes kanë arrestuar autorin Haki Karoshi në tentative për t’u larguar. Në dëshminë e dhënë në polici Haki Karoshi ka pranuar autorësinë ngjarjes duke e justifikuar atë me gjendjen e padurueshme që ishte krijuar në shtëpine e tij. Aktualisht në komsariatin numër katër janë shoqëruar nëna, motra dhe bashkëshortja e re e autorit të ngjarjes në cilësinë e personave që kanë dijeni për rrethanat e ngjarjes.

Trupi i pajetë i Servete Katroshit është në morgun e institutit mjeko-ligjor ku po i nënshtrohet një autopsi të detajuar.

Ndërkohë hetimet vazhdojnë për të zbardhur dhe detaje të tjera të kësaj ngjarje të rëndë.
.
(d.b/News24/BalkanWeb)