Dënohet me goditje me kamxhik pse i dha makinës, e fal mbreti

nga Emona Fri 30 Sep 2011 - 5:35

Mbreti i Arabisë Saudite, Abdullahu, ka rrëzuar vendimin e një gjykate për të dënuar një grua me dhjetë goditje me kamxhik për shkak se kishte thyer një urdhër që ndalon gratë që t’i japin makinës.

Siç njofton BBC, vendimi, edhe pse nuk është konfirmuar zyrtarisht, është bërë i ditur nga princesha saudite përmes Twitter-it.

Gruaja, e quajtur Shema, u gjet fajtor se po i jepte makinës në Xhedah në korrik. Vendimi për dënimin e saj erdhi dy ditë pasi mbreti shpalli se gratë do kenë të drejtën e votës për herë të parë në vitin 2015.

“Falë Zotit, goditja me kamxhik e Shemës është anuluar. Kjo falë mbretit tonë të dashur,” shkroi në Twitter princesha Amira Al-Taweel. “Jam e sigurt se të gjitha gratë saudite duhet të jenë të lumtura,” vijoi ajo.