Ekstradohet nga Italia një 39 vjeçar, vrau në vitin ‘94

TIRANË - Zyra Qendrore Kombëtare Interpol Tirana, ekstradoi sot nga Roma, Itali, drejt vendit tonë, një 39 vjeçar të shpallur në kërkim ndërkombëtar.
Policia e Shtetit bëri me dije se shtetasi Dashamir Kolgjini, nga Elbasani, u ekstradua sot rreth orës 13.30 nga Italia. Arrestimi i tij me qëllim ekstradimin u bë i mundur në falë bashkëpunimit të Interpol Tirana me Interpol Romën.

Ky shtetas i është dorëzuar në aeroportin “Nënë Tereza” në Rinas përfaqësuesve të Drejtorisë së Përgjithshme të Burgjeve.
Gjykata e Shkallës së Parë Durrës, në tetor të vitit 1995, e ka dënuar 3 vjeçarin Kolgjini, me 25 vjet burg, për veprën penale të "Vrasjes me dashje për shkaqe të tjera të dobëta" dhe “Armëmbajtje pa leje“.

Policia e Shtetit bën të ditur se pjesa e e mbetur e dënimit për këtë shtetas është 21 vjet burg. Dashamir Kolgjini është shpallur fajtor pasi në nëntor të vitit 1994, pasi në qytetin e Elbasanit, ka qëlluar me armë zjarri, në drejtim të shtetasit Ilir (Rudi) Lazarani, i cili si pasojë e plagëve të marra, ka gjetur vdekjen.

(d.b/BalkanWeb)