Fatos Nano i rikthehet politikës

nga Єямєℓiиdå Tue 18 Oct 2011 - 1:04

Deputeti aktual i Shqipërisë, socialisti Arben Malaj, pas një sërë takimesh të cilat i ka organizuar në disa pjesë të vendit, filloi "rekrutimin" për një subjekt të ri politik.

Siç shkruan gazeta "Panorama" mbështetje në iniciativën e tij ka nga ish lideri socialist Fatos Nano, me të cilin janë takuar në darkë.

Edhe pse zyrtarisht nuk ka deklarata të tyre se për çka kanë biseduar, dihet se kryesisht kanë biseduar rreth formimit të partisë së re politike.

Malaj paraprakisht deklaroi se është e mundur të marrë një hap të tillë.

Paralajmërim për formim të partisë së re politike që më parë ka edhe nga ana e Nanos, i cili pas 15 vitesh në krye të partisë dha dorëheqje në verën e vitit 2005 kur socialistët pas sundimit tetë vjeçar humbën në zgjedhjet parlamentare.

Nano nuk i fsheh ambiciet që vitin e ardhshëm të bëhet shef i shtetit, në çka shpreson ne mbështetjen e demokratëve qeveritar të Sali Berishës.