KFOR-i merr nën kontroll tërësisht rrugën në fshatin Zupç

Zubin Potok, 21 tetor – Me fillimin e ditës së premte, KFOR-I ka shti në dorë tërë magjistralen e ‘Adriatikut’ në pjesën që i përket fshatit Zupç. Në këtë fshat, KFOR-i ka vendosur forca të shtuara dhe çdo lëvizje nëpër këtë rrugë i nënshtrohet një kontrolli të pjesëtarëve të KFOR-it. Pjesëtarë të NATO-s këtë aks rrugorë e kanë shti tërësisht nën kontroll në orën një të natës së ditës së premte, njoftojnë burime të Kohës Ditore nga Mitrovica . KFOR-i në këtë aks rrugor ka larguar nga rruga dy barrikada që kanë qenë të vendosura nga serbët muaj më parë.
Në barrikadën e Jegenicës, pjesëtarë të KFOR-it dhe grupet kriminale serbe që ruajnë këtë barrikadë kanë qëndruar tërë natën ballë për ballë. Situata pa ndonjë incident të shënuar është raportuar të këtë qenë edhe në pjesë tjera të veriu të Kosovës. Natë e qetë ishte edhe në qytetin e ndarë në dysh të Mitrovicës.

Policia e Kosovës bën të ditur se nata në veriun e Kosovës ka kaluar përgjithësisht e qetë, pas operacionit të djeshëm të KFOR-it për largimin e barrikadave rrugore.
Zëdhënësi i Policisë për rajonin e Mitrovicës, Besim Hoti, tha se trupat e KFOR-it kanë larguar përfundimisht barrikadën mbi urën e fshatit Zupç.
“...edhe pse të njëjtën e kishte vënë nën kontroll gjatë ditës, për shkaqe teknike dhe fortësisë së materialit që ishte vendosur aty, është dashur të porositen pajisje të veçanta për ta larguar si barrikadë fizike”, bëri të ditur Hoti për Radion Evropa e Lirë.
Ai po ashtu tha se serbët kanë vazhduar të qëndrojnë në disa barrikada gjatë gjithë natës, ndonëse në një numër më të vogël.
Hoti njëherësh shprehu gatishmërinë e Policisë së Kosovës për t’u bërë pjesë e çdo kërkese apo operacioni, që mund t’i kërkohet

Serbët nëpër në fshatrat Jegenicë dhe Zupç në komunën e Zubin Potokut kanë kaluar natën nëpër automobila, shatorë dhe përreth t zjarreve ndezur nëpër disa lokacione.

Gjatë nuk ka pasur lëvizje të KFOR-it, njoftojnë medie serbe

Serbëve të kësaj pjese, njofton Tanjug, u kanë shkuar në përkrahje serbë nga Mirovica.

Në Jegnicë katër kamionë të ngarkuar ndajnë ushtarët e KFOR-it dhe serbët që qëndrojnë aty pranë..

Ushtarët e KFOR-it janë ende 150 metra larg barrikadës në Zupçit që serbët e kanë ngritur e që KFORI nuk hoqi dje.

Në Bërnjak ushtarët francezë të KFOR – e kanë marrë vendkalimin dhe kanë zgjeruar zonën e kontrollit