Fjolla Morina: Boll me operacionet e mia, ka këngëtare me ndërhyrje “të freskëta”

Ajo është seksi, e ëmbël, e këndshme, pa komplekse dhe çdo ditë e më shumë i thonë se ngjan me yllin e reality-show-t në Amerikë, Kim Kardashian. Ka 5 vjet në skenën muzikore dhe emrin e këngëtares seksi e kanë ngulitur të gjithë në mendje.Me klipin e saj më të fundit, “Zemër s’po ta fal”, Fjolla ka shtuar rreth vetes të tjerë fansa – natyrisht një pjesë e mirë e të cilëve i dedikohet tërheqjes fatale të sensualitetit të saj. Përtej skenës, është përfolur shumë në lidhje me disa meshkuj, si Poli i Big Bother, Seldi po i BB, Kastro Zizo etj., por këngëtarja thotë se të gjitha janë thashetheme dhe se për momentin është single.Këto thashetheme as që më bëjnë përshtypje fare, përderisa jam person publik njerëzit do flasin për mua”, – thotë Fjolla, ndërsa pyetjes për të dashurin i jep kështu përgjigje: Mendoj se po të kisha pasur një mashkull pranë, do ta merrte vesh e gjithë bota!

Shpesh e indinjuar që mediat vazhdojnë të insistojnë kaq shumë në lidhje me ndërhyrjet kirurgjikale që ajo ka kryer (në buzë dhe gjoks), Fjolla na jep një leksion: “Shkoni merruni me ato që kanë bërë ndërhyrje të 2011-s, jo me mua që kam që në 2007-n!”

Fjolla, urime për këngën e re “Zemër s’po ta fal”. Si është pritur deri tani kjo këngë, klipin e së cilës e ke xhiruar në Shqipëri, apo jo?

Faleminderit për vlerësimin. Klipin e kësaj këngë e kam xhiruar në Durrës, në një plazh privat. Ka dalë diçka e bukur dhe është pritur mirë, besoj.



Dukesh më sensuale se kurrë në këtë video… Me siguri reagimet e meshkujve nuk kanë munguar pasi shfaqesh mjaft seksi!

Hahaha, e vërteta është që nuk kam pasur ndonjë klip tjetër me plazh më parë. Kështu që për meshkujt- sikurse thoni edhe ju, jam dukur ndryshe këtë herë.



Herë-herë na ngjan me show-girl-in e njohur në SHBA, Kim Kardashian. Ta kanë thënë herë të tjera këtë gjë?

Po, më krahasojnë shpesh me Kim Kardashian, madje shumica e njerëzve që më njohin më thërrasin ashtu edhe në jetën e përditshme (Qesh). Më postojnë vazhdimisht në Facebook foto të saj, ku ka ngjashmëri mes nesh. Hahaha.



Si ka nisur vjeshta për ty, projektet e reja? Po ecin përgatitjet për albumin tuaj të dytë?

Po, jam shumë e zënë madje. Kam shumë projekte të reja e punë që do të zbulohen në vijim pak e nga pak. Mund të them vetëm që aktualisht jam në punim e sipër të dy këngëve të reja, të cilat shumë shpejt do t’ plotësoj me klipe për publikun.



Duke hedhur një sy në galerinë tënde të fotove, na ra në sy se para aparatit fotografik nuk ke kurrfarë kompleksesh. Shumë prej fotove mund t’i cilësojmë erotike madje…

Nuk besoj se mund të konsiderohen erotike, madje po të më pyesësh mua, unë do të thosha që nuk kam asnjë foto të tillë. Vetëm se unë nuk kam komplekse si shumica e këngëtarëve dhe kryej foto profesionale, kaq! Por jo erotike ama, po e theksoj edhe njëherë!



Edhe pse teksti i “Zemër s’ta fal” është shkruar nga Rozana Radi, ti vetë çfarë nuk do t’i falje një mashkulli?

Rozana Radi është ajo që ka bërë këtë tekst që mua më ka pëlqyer shumë që herën e parë. Por vargjet e tij nuk kanë të bëjnë fare me jetën time. Nëse do më kishte ndodhur mua diçka e tillë me të vërtetë, pra të isha tradhtuar nga i dashuri; këtë gjë nuk do t’ia kisha falur kurrë partnerit tim!



Ke thënë që ke marrëdhënie shumë të mira me Rozin. Takoheni shpesh apo edhe rrallë kur takoheni ia kaloni shumë mirë?

Rozin e kam shoqe shumë të mirë, takohemi shumë shpesh dhe kalojmë shumë mirë së bashku, shkurt- kënaqemi pa masë.



Në përgjithësi, femrat janë xheloze për njëra-tjetrën, a nuk ndodh e njëjta gjë edhe në muzikë. Shpesh, miqtë më të mirë të femrave janë meshkujt madje!

Me të thënë të drejtën, ka shumë xhelozi në këtë biznes, edhe femrat me njëra-tjetrën, natyrisht. Por unë jam një njeri që s’kam komplekse, kaloj shumë mirë me koleget, besoj edhe ato me mua (Qesh), sidomos me ato që kanë një tip me mua. Jam e mendimit se vetëm një njeri që është i kompleksuar mund të xhelozojë me të vërtetë dikë tjetër.



Në verë me siguri axhenda jote ka qenë shumë e ngarkuar, klipe, koncerte, plazh etj. Si e ke menaxhuar kohën?

Kur jam me koncerte nëpër diasporë, kam menaxher djalin e xhaxhait tim, i cili më koordinon punët. Kurse në raste të tjera i kam alternuar gjërat, përpiqem të mos lë anash shoqërinë dhe qejfin.



Natyrisht, kur ke shumë mbrëmje muzikore, edhe paratë nuk mungojnë. A bëhesh i pasur me muzikën?

Ka raste kur punët shkojnë shumë mirë, por ne artistët zakonisht për këngët duhet të investojmë aq shumë, saqë është e vështirë që ky investim të të kthehet pas.



Fjolla, nuk di sa e ke ndjekur shtypin shqiptar, por ti je përfolur shpesh për “lidhje” me meshkuj, personazhe të ndryshëm të njohur. Cili ka qenë komenti yt për marrëdhëniet e keqkuptuara nga mediat, apo thashethemet nuk të bëjnë përshtypje, e rëndësishme është të përflitesh?

Përderisa jam një person publik, është normale që të flitet për mua… Këto thashetheme të cilave po u referoheni ju, nuk janë të vërteta dhe mua- nëse doni ta dini; nuk më bëjnë përshtypje fare! Janë thjesht thashetheme, asgjë më shumë!



Shumë femra kanë bërë operacione plastike, por edhe pse ti ke qenë përherë e hapur me mediat, je përfolur edhe për ndërhyrje të ndryshme, si në gjoks, buzë etj.

Po, është e vërtetë, për mua kanë folur dhe shkruar shumë në lidhje me kirurgjinë plastike. Të them të drejtën, nuk e di pse merren me mua e jo me të tjerë personazhe, që janë mbushur të gjithë me kirurgji plastike. Madje, meqë jemi këtu dua të përmend se ka në showbiz raste shumë të freskëta, të vitit 2011, ndërsa unë që kam kryer ndërhyrje në vitin 2007 vazhdoj të përflitem akoma. Mendoj se të tilla ndërhyrje janë bërë të përditshme mes yjeve të muzikës në trojet shqiptare.



Cili person të ka inkurajuar më tepër që t’i futesh botës së muzikës? Mamaja juaj ndoshta, e cila ka qenë gjithashtu një këngëtare? Keni pasur ndonjë familjar kundër idesë suaj për t’u marrë me muzikë?

Jo, nuk kam pasur asnjë kundër, në këtë drejtim më ka ecur gjithçka mirë, aq më tepër që mamin tim e kam pasur vetë këngëtare.



Së fundmi, a ka një mashkull pranë vetes Fjolla?

Jo, s’kam asnjë person pranë. Mendoj se po të kisha pasur një mashkull pranë, do ta merrte vesh e gjithë bota. Atëherë, s’më mbetet veçse t’ju them faleminderit për intervistën dhe përshëndes të gjithë fansat e mi duke ju thënë: “Ju dua shumë të gjithëve”.

sje e vetmja pse merzitesh ti..............