Hoteli nga kripa në Bolivi

Në shikim të parë fotografitë e këtij hoteli duken si të një shtëpie të zakonshme në plazh dhe duket sikur dyshemeja është e mbuluar me rërë e muret janë të ndërtuar me gurë.

Megjithatë, ky hotel i jashtëzakonshëm në Bolivi është ndërtuar nga kripa, përfshirë edhe shumicën e orendive. Hotel de Sal, afër Colchania në Bolivi, po tërheqë numër të madh të turistëve të cilët vijnë për ta parë këtë mrekulli.

Turistët zakonisht qëndrojnë disa ditë për të përjetuar të gjitha gjërat nga oferta e këtij atraksioni bolivian. Për 84 funta mund të flini në një dhomë me dy shtretër prej kripës përfshirë edhe drekën.
Guida turistike Pedro Pablo Rocha punon për hotelin ku ndihmon udhëtarët të vazhdojnë rrugën e tyre. Ai tha se i pëlqen të shoh reagimin e vizitorëve të cilët vijnë për herë të parë.

“Disa mysafirë bile edhe lëpinë orenditë për tu bindur nëse vërtetë janë të punuara nga kripa”, tha Rocha, shkruan Daily Mail. Vizitorët thonë se është një gjë e mrekullueshme që janë përdorur resurse natyrore për ndërtimin e këtij hoteli në vend të materialeve artificiale.

Afër hotelit gjendet edhe një minierë litiumi, e cila është e mjaftueshme për prodhimin e gjysmës së baterive të telefonave mobil të botës. /Telegrafi/

ktu e kan vendin ata qe dun vjehrrat shum lol:xP