Bosnje, vritet me snajper sulmuesi i ambasadës së SHBA

nga **Durrsaku** Fri 28 Oct 2011 - 5:03

SARAJEVË- Personi i cili sulmoi me kallashnikov Ambasadën Amerikane në në Sarajevë, kryeqytetin e Bosnjës është vrarë, ndërkohë që agresori i dytë ka mbetur i plagosur. I riu mbeti i vrarë me snajper pas një operacioni policor për kapjen e tij

Burri me veshje kamuflazhi dhe një kallashnikov në dore, u qëllua për vdekje nga anëtaret e policisë boshnjake, pasi ka qëlluar Ambasadën Amerikane në Sarajevë. Dëshmitarët thane se veshja e tij ishte e ngjashme me atë të anëtarëve të lëvizjes radikale islamike ‘Wahabbi’ dhe se në momentin e sulmit, është dëgjuar të ketë thirrur ‘Allahu Ekber’, Zoti është më i madhi.

Sipas mediave lokale bashkë me të ishte dhe një person i dytë, i cili u plagos në ije. Sipas raportimeve nga e perditshmja e Sarajeves, Dnevni Avaz, gjatë të shtënave kundër Ambasades kane mbetur të plagosur dy policë.

Dy burrat sulmuan ndërtesën e Ambasades rreth ores 16:40 minuta me orën lokale, cka u pasua me një betejë gati gjysme ore me forcat e policisë.

Sipas mediave nuk pati të lënduar nga rradhet e stafit të Ambasadës. Ndërkohë dyshohet se në momentin e sulmit, atentatori që mbeti i vrarë kishte me vete një cante me ekzploziv.
(e.m/BalkanWeb