Thirrjet raciste, protestë para ambasadës greke në Shkup

Ushtaret greke gjate parades


/* */





SHKUP - Rreth 50 anëtarë të organizatave jo-qeveritare maqedonase protestuan para ambasadës greke në Shkup.
Protesta u organizua në përgjigje të një parade të mbajtur më 25 mars 2010 në Athinë, në të cilën ushtarët grekë po këndonin parulla anti-maqedonase dhe anti-shqiptare.
Një nga këngët kishte në tekstin e saj vargje që shpreheshin: do të bëjmë rroba nga lëkura e maqedonasve dhe shqiptarëve."
Protesta në Shkup, me titull "Ndal fashizmit grek," ishte e rrethuar nga një numër i madh oficerësh të sigurisë. Ajo përfundoi pa incidente. Në këtë protestë, pjesëmarësit prekën edhe çështjen e emrit, duke thënë se Maqedonia nuk do të heqë dorë nga emërtimi i saj Kushtetues.
Anëtarët e OJQ-ve që morën pjesë në protest, kënduan këngë patriotike dhe më pas u dorëzuan zyrtarëve të ambasadës një letër proteste dhe një kërkesë për falje nga Greqia.
Ministria e Jashtme e Maqedonisë doëzoi gjithashtu një letër proteste për ambasadorin grek në Maqedoni, i cili e quajti “incident të izoluar” ngjarjen ku ushtarët grekë bënin thirrje ansimaqedonase dhe antishqiptare.
Protesta të shumta janë zhvilluar në Shqipëri menjëherë pas publikimit të regjistrimeve filmike që tregonin këngët e forcave të marinës greke teksa zhvillonin një paradë nderi në Ditën e Pavarësisë së Greqisë në Athinë para zyrtarëve shtetërorë.