Arditi: Kënga e Besës nuk është e vjedhur

Disa ditë më parë gazeta Panorama raportoi se kënga 'Botën do ndryshoja' kënduar nga Besa Kokëdhimja, e cila është duke konkurruar në “Kënga Magjike”, është një kopje e këngës 'Fuckin Perfect' kënduar nga ylli botëror Pink.

Mirëpo drejtori i festivalit "Kënga Magjike", Ardit Gjebrea, ka reaguar për të demantuar këtë shkrim dhe për të thënë se ata që bëjnë kësi komentesh, nuk ia duan të mirën festivalit të tij.

"Kush është muzikant e di që të vjedhësh një këngë duhen 8 masa të barabarta në dy këngët krahasuese. Aty nuk ka as edhe një masë të vjedhur, është thjesht një këngë pop-rok, e cila ka ajrin e këngëve të këtij stili siç shumë këngë pop, balada apo hip-hop kanë të njëjtin stil dhe shpesh komentohen si të ngjashme", thotë Ardit Gjebrea, drejtori i festivalit "Kënga Magjike".

"Por mendoj se në rastin konkret kjo nuk ka të bëjë me këngën e vjedhur, por me një dashakeqësi ose që të jem më i zbutur, më mirë të them me mosdijen e disa fansave në Facebook. Kush ka ndërmarrë një iniciativë të tillë ka plane të tjera dhe jo sepse po i dhimbset Kënga Magjike", ka shtuar Ardit Gjebrea për gazetën Shekulli.
Pavarësisht akuzave dhe diskutimeve të shumta rreth këngës 'Botën do ndryshoja', kënga është bërë hit në shumë radio televizione shqiptare dhe në shumë top lista kënga klasifikohet në pozitën e parë të këngëve më të mira

perkundrazi na e kan vjedhur ata ne.