Diellza Kolgeci kundër operacioneve plastike

E bukur si gjithnjë, e dhënë pas dukjes, modelja Diellza Kolgeci nuk heziton të tregojë që është kundër operacioneve plastike. Shumëkush nuk mund të besojë se ajo deri tani nuk ka pasur asnjë ndërhyrje kirurgjike në fytyrën e saj, madje shprehet se dobësia më e madhe e një femre për ta përmirësuar fytyrën apo trupin e vet është ndërhyrja e operacioneve plastike.“Kohëve të fundit operacionet plastike estetike janë bërë mjaft të shpeshta, tani çdo e dyta femër publike ka të operuar hundën, buzët apo ndonjë pjesë tjetër të fytyrës. Në realitet mund t’i vëresh se thuajse të gjitha buzët dhe hundët kanë model të njëjtë të operimit dhe thuajse të gjithë janë operuar te mjeku i njëjtë.
Kosova është vend i vogël dhe kemi shumë pak mjekë të kirurgjisë plastike-estetike që bëjnë ndërhyrje të tilla, andaj e kemi më lehtë t’i identifikojmë ata që po bëjnë operime të tilla”, ka thënë ajo për “Zërin”.Diellza as në të ardhmen nuk planifikon të bëjë ndonjë ndërhyrje kirurgjike edhe në qoftë se fytyra e saj do të mbushet me rrudha. “Gjithnjë kam qenë kundër operacioneve plastike, edhe po qe se një ditë do të më dalin rrudhat në fytyrë, sepse kuptohet që me kalimin e viteve edhe fytyra mbushet me rrudha, mirëpo në asnjë mënyrë nuk lejoj të kem ndonjë ndërhyrje në fytyrën time.
Kam përshtypjen se rrudhat në ballë apo në faqe tregojnë karakterin e njeriut dhe në një mënyrë edhe bukurinë natyrore të femrës, sepse edhe me rrudha njeriu duket bukur”, përfundon ajo.

kot lodhesh se keta ket pun kane.