Jessica Alba kërkon kontroll kimikal më rigoroz

Aktorja Jessica Alba është duke kontribuar në presionin mbi politikanët amerikanë për zbatimin e rregulloreve të rrepta për kemikalet e përdorura në produktet shtëpiake. Ylli i “The Sin City” është duke mbështetur Ligjin për siguri të kemikaleve “Safe Chemicals Act”, ligjin i cili do të kërkonte teste më të plotë të sigurisë në substancat e përdorura në artikujt e konsumit. Alba është shprehur e shqetësuar për kimikalet toksike që nga koha kur është bërë nënë dhe është duke u bërë apel senatorëve që të kalojnë ligjin. Në një blog për “Huffington Post” Alba ka shkruar: “Sapo kam lindur fëmijën tim të dytë dhe mund t’ju them se nuk ka asnjë instinkt më të fortë për një nënë sesa të mbrojë fëmijën e saj. Fëmijët e mi më kanë… më bëjnë të dyshoj për çdo produkt që blej, duke filluar nga lodrat e deri te detergjentet… Nuk ka kërkesë që kemikalet e përdorura në artikuj të testohen më parë për shkaqe sigurie, edhe nëse përdoren në produkte për fëmijë… A do t’i jepnit fëmijës suaj ilaç pa e testuar sigurinë e tij? Kjo është arsyeja që prindërit kërkojnë veprimin e kongresit tani. Kjo është arsyeja pse na duhet ligji i sigurisë së kemikaleve”, ka thënë ajo. Alba ka dy vajza, Honor dhe Haven, me bashkëshortin e saj Cash Warren.

e per ca e kerko qe te mbroje shendetin e saj