Tiranë, zjarr në një magazinë fishekzjarresh

nga **Durrsaku** Mon 21 Nov 2011 - 5:22

TIRANE-Një zjarr i fuqishëm i rënë në një magazinë fishekzjarresh ka vene në alarm këtë pasdite të hëne zjarrfikësit dhe policinë e Tiranës.
Magazina me fishekzjarre ndodhet në kryqëzimin e Unazës së Re, pranë tregut të zonës së Kombinatit, ndërsa zjarri në të mësohet se ka rënë rreth orës 16:30 minuta.
Banorë të zonës sapo kane pare flakët gjigande dhe tymin kanë njoftuar forcat e zjarrfikëseve. Në vendgjarje mbërriti fillimisht vetëm një zjarrfikëse që nisi menjëherë nga puna për lokalizimin e flakëve dhe më pas 3 të tjera.
Policia nisi menjëherë nga evakuimi i banorëve që kishin banesat pranë magazinës së fishekzjarreve. Mësohet se zjarri po përparon dukshëm dhe për shkak të lëndës që ndodhet në magazinë që përshpejton flakët e zjarrit duke u dhënë përmasa tepër të mëdha. Herë pas herë dëgjohen shpërthime të fuqishme të fishekzjarreve që po digjen brenda magazinës.

Nuk dihen ende shkaqet e zjarrit, ndërsa mësohet se aktualisht nuk ka asnjë të dëmtuar nga ky incident.

Kreu i zjarrfikëseve të Tiranës, z. Dilaver Laci konfirmoi se situata me zjarrin në magazinën e fishekzjarreve është serioze.
“Përberja e materialeve që përmban magazina vështirëson punën e zjarrfikëseve për shuarjen e flakëve. Nuk ka të dhëna për viktima. Shtënllungat e tymit janë tepër gjinagnde dhe për këtë arsye në evakkuam banorët e zonës. Po punojmë që flakët të mos mbërrijnë drejt banesave”.

Banorë të zonës po ndihmojnë zjarrfikësit të shuajnë flakët e zjarrit që po kërcënojnë banesat e tyre. Shumica e banorëve janë të komunitetit rom.

(d.b/BalkanWeb