Tiranë, zjarri në magazinën e fishekzjarreve, shoqërohet 26-vjecari

TIRANË- Policia e Tiranës ka arrestuar 26-vjecarin Hajri Jashar Dragjoshi, lindur në fshatin Vilë Kukës dhe banues në Tiranë, të dyshuar si shkaktarin kryesor të zjarrit të fuqishëm që shpërtheu pasditen e djeshme në magazinën e fishekzjarreve, në kryqezimin e Unazës së Re, pranë tregut ushqimor në zonën që njihet si Qyteti i Nxënësve.

Nga hetimet paraprake bëhet me dije se personi i dyshuar ka pranuar se po luante me fishekzjarre, ndërkohë nga seanca e pyetjeve burime policore bëjnë me dije se shkak i zjarrit dyshohet pakujdesia.

“Arrestimi i tij u krye sepse dyshohet se dje rreth orës 16.20’, në rrugën “Konferenca e Pezës“, në afërsi të tregu ushqimor, nga pakujdesia duke ndezur një fishekzjarr ka shkaktuar zjarr në dyqanin e tij dhe më pas nag përhapja e flakëve janë djegur një pjesë dyqaneve që tregtonin mallra shumice (në total 20 dyqane)“,- deklaroi zëdhënësja e policisë së Tiranës, Alma Katragjini.

Sipas policisë. paraprakisht nga ekspertët xhenier në vendgjarje dyshohet se shkak i këtij zjarri të fuqishëm të këtë qënë një shkëndije elektrike.

Nga zjarri i mbrëmshëm, i cili pasditen e djeshme rreth orës 16:20 përfshiu zonën pranë tregut ushqimor u shkrumbuan rreth 20 dyqane, 1 magazinë dhe 1 apartament, ndërkohë që fatmirësisht nuk pati dëme në njerëz.

Menjëherë në vendgjarje mbërritën shërbimet e policisë dhe shërbimet zjarrëfikëse, të cilët bënë të mundur evakuimin e zonës përreth dhe lokalizimin e flakëve në magazinën me fishekzjarre. Për shuarjen e flakëve ndihmuan edhe zjarrfikëse të mbërritur nga qyteti i Durrësit, ministria e Mbrojtjes, si dhe mjete të tjera nga Bashkia e Tiranës.
(el.me/BalkanWeb)