Me kompjuter e gjen hajdutin e laptopëve 3000 km larg

Gjatë pushimeve në Tenerife, apartamenti i britanikut Mike Birtëhistle ishte zbrazur. Ndër të tjera ishin vjedhur dhe dy MacBook nga një mijë sterlina secili. Pasi është kthyer në Angli 47 vjeçari i ka treguar ngjarjen ortakut të tij David Duffy, ekspert i teknologjisë. Shoku është vënë menjëherë në punë falë njohurive të tij informatike dhe jo vetëm ka arritur të gjejë laptop-ët e vjedhur, por ka gjetur dhe hajdutin që ndodhej tremijë kilometra larg.
Për David Duffy të gjente kompjuterët e vjedhur ka qenë shumë e lehtë . Njëri nga kompjuterët ishte i lidhur në internet dhe 39 vjeçari ka mundur të marrë kontrollin e kompjuterit në distancë. Nga kamera e kompjuterit ka mundur të shohë fytyrën e hajdutit, i cili qëndronte ulur përpara, në këtë pikë i ka bërë disa foto dhe me anë të postës elektronike ja ka dërguar një mikut të tij në Tenerife. Ky i fundit i ka çuar imazhet në policinë lokale që ka identifikuar menjëherë hajdutin, që ishte i njohur për krime të tjera në të shkuarën.
Tashmë që të dy laptop-ët i janë kthyer pronarit të ligjshëm, Mike Birtëhistle ka falënderuar publikisht kolegun duke treguar se informacionet e përmbajtura në kompjuterë kishte shumë herë më shumë vlerë se vetë ata: ”Kur pashë se më kishin vjedhur shtëpinë nuk kisha më shpresa se do t’i shikoja më kompjuterët”, ka thënë ai për Daily Telegraph.
“Është një fitore e teknologjisë kundër krimit”, ka deklaruar ortaku i tij për Daily Mail, transmeton BW.

edhe thuaj pastaj se nuk ka perparu shkenca

e thon se kompjuteri perdoret vec per keq.