Mbëmje letrare kushtuar Fejzi Bojkut

Më 24 nëntor, 2011 (ditë e enjte), në Sallonin Imperial 1(Shkup), me fillim në orën 19:19 organizohet “Mbëmja letrare kushtuar Fejzi Bojkut”.

Fejzi Bojku – poet dhe prozator për fëmijë dhe të rinj, përkthyes, eseist, shkrimtar shqiptar në Maqedoni. Shkollën e Lartë Pedagogjike e ka mbaruar në Shkup ( frengjisht dhe maqedonisht), pastaj vazhdoi me gjuhën dhe letërsinë shqipe në fakultetin filozofik, ndërsa studimet e shkallës së tretë i mbaroi në Prishtinë. Kreu dhe shkollën një vjeqare për gazetari në Beograd.

Fejzi Bojku ka punuar si mësues, gazetar, redaktor përgjegjës i revistave “Gëzimi” dhe “Fatosi”. Ishte dhe kryeredaktor
i “Flakës së Vëllazërimit” prej ku doli edhe në pension.

Është autor i librave “Lulet e para”, “Zilet shkollore”, “Këngët e shkronjave” etj. Ka botuar shumë vështrime dhe kritika, dhe mbi 50 recensione si para(pas)thënie për vepra letrare.
Ka përkthyer dhe rikënduar nga maqedonishtja, serbokroatishtja dhe frëngjishtja në shqip dhe anasjelltas.

Këtë vit është dekoruar me çmimin “13 Nëntori”, për punën dhe veprën e tij.
Për veprimtarin e Fejzi Bojkut do të flasin, prof. Ali Aliu, kritik letrar dhe Gorjan Petrevski, shkrimtar, ndërsa pjesë nga veprat e tijë do ti lexojë, Drita Kaba Karaga, aktore. /strugasot