Gjirokastër, zjarri shkrumbon ndërtesën, 2 familje në qiell të hapur

nga **Durrsaku** Sat 26 Nov 2011 - 22:49

GJIROKASTER - Një ndërtesë tre-katëshe është shkrumbuar plotësisht nga flakët në Gjirokastër. Ngjarja ka ndodhur në orët e para të mëngjesit në lagjen Manalat.
Në ndërtesën e përfshirë nga flakët banonin dy familje, të cilat tani kanë mbetur në qiell të hapur.

Mësohet se në momentin e zjarrit, në banesë ndodhej vetëm Petref Mema me tre vajzat e tij, ndërsa familja tjetër, ajo e Edmod Rrapos, ishte larguar nga banesa herët në mëngjes.

Kanë qënë komishnjtë ata që kanë njoftuar menjëherë familjarët për zjarrin në banesë, por flakët janë përhapur me shpejtësi, duke bërë që ajo të shkrumbohej plotësisht.

Ende nuk dihen shkaqet e rënies së zjarrit në ndërtesën tre-katëshe, ndërsa grupi hetimor ka nisur hetimet për zbardhjen e plotë të ngjarjes, nga e cila fatmirësisht nuk pati të lënduar.

(er.nu/news24/BalkanWeb)