Demat e verbojnë, dëshiron sërish të përballet me ta

Ai është verbuar gjatë një ndeshjeje me dema por përsëri nuk ka zënë mend. Juan Jose Padilla, toreador spanjoll zotohet se do të rikthehet përsëri për t’u përballur me demat e tërbuar. Këtë deklaratë ai e bëri në daljen e para që pas aksidentit të frikshëm nga ku humbi dhe njëri sy. Falë një operacioni ai shpëtoi nga paralizimi.

“Nuk dua që fansat të ndiejnë keqardhje për mua”, tha ai për mediet duke dalë nga spitali. “Do të luftoj përsëri për të veshur kostumin për luftimin me demat”, ka shtuar Padilla.

Gjatë një ndeshje me demin në muajin tetor, ai u godit keqazi në syrin e majtë dhe u nxor nga arena duke thirrur: Nuk shoh, nuk shoh” në një kohë kur fytyra e tij ishte e mbuluar me gjak.

Nga ky aksident, 38-vjeçari ka mbetur me pasoja sa i takon gëlltitjes dhe të folurit. Ai është një toreador shumë popullor në Spanjë pasi njihet për kurajën dhe dëshirën për tu përballur me demat.

Ose ndoshta do me mor hak ke demi qe e ka lon te verber do me u hakmarr

E tmerrshme,cfare fati qe paska i shkreti.