Fituesit e çmimeve të Edicionit të parë “Gara e Artit Global “

Prishtinë, 11 dhjetor - Exarte në bashkëpunim me Ministrinë e Kulturës, Rinisë e Sportit dhe Fakultetin e Arteve organizoi Edicionin -1, të “Gara e Artit Global-Kosova art”.

Në Bibliotekën Kombëtare Universitare të premtën u hap Ekspozita me krijime të ndryshme për temën konkuruese “Anti-korrup...”, në të cilën u ndanë edhe tri shpërblimet e para. Juria në përbërje: Majlinda Kelmendi (kryetare); Hajrush Fazliu; Amira Berkolli; Genc Rezniqi dhe Muhamet Ahmeti-Metis u përcaktua për këto shpërblime:

Shpërblimi i parë në vlerë prej 200 euro i takoi, Naim Spahiut, me veprën e tij “Zarfat”.

Shpërblimi i dytë në vlerë prej 100 e i takoi, Gureta Bajrami Breznicës me veprën e saj “Anti-Korrupsion” dhe ahpërblimi i tretë në vlerë prej 50 € i takoi Kujtim Aliut me veprën “Xhepat”.

Në këtë eveniment arti morën pjesë kryesisht krijues të rinj të cilët i prezantuan punimet e tyre në bazë të invencionit personal dhe në kontekst të zgjidhjes më të fuqishme të veprave të tyre artistike. “Në këto vepra artistët gjurmojnë rrugë depërtuese të cilat për mes satires kreative spikatin frikën e rrënimit të shtetit, dëshirën për tejkalim nga gjembat apo edhe paradokset njerëzore për ego dhe mbizotërim monetar. Aty qasja është shumë inventive dhe për pak sekonda kuptohet porosia apo brenga autoriale. Korrupsioni është barrë shoqërore që vazhdimisht rëndon , godet e njollosë vende përreth, mirëpo gjetja e barit shërues është sfidë globale. Duhët kërkuar rrugë e anti-trupthe për shërim të kësaj dukurie të shëmtuar në mënyrë që pastaj rrita të jet e plotë, dhe e shëndoshë. E mira e kësaj fillon nga ata që i mendojnë mënyrat dhe rrugët e thepisura për të arritur në cak. Duket se kësaj radhe edhe artistët që kryesisht janë brez i ri kanë filluar të arrijnë në cak”, u tha me rastin e hapjes së ekspozitës./koha.net /