Si mund të nxisim leximin e librit???

Tiranë – Shkrimtarë të ndryshëm dhe njerëz të letrave i propozuan ministrit të Turizmit, Kulturës, Rinisë dhe Sporteve Aldo Bumçi disa politika që duhen ndërmarrë për nxitjen e leximit.

Në një takim të zhvilluar dje në Bibliotekën Kombëtare, Bumçi u shpreh se financimet për librin zënë 20 % të buxhetit të kulturës, ose 15 deri në 20 milion lekë të reja.

I pranishëm në takim, shkrimtari Zija Çela tha se MTKRS duhet të blej disa shërbime për të nxitur leximin, por e rëndësishme sipas tij është dhe iniciativa privat e shkrimtarëve. “Kërkojmë lexues, por një plag tjetër është që kemi blerës, por që s’janë lexues”, tha Zija Çela.

Sipas Çelës, në një shoqëri të tregut privat për disa libra edhe nga ana e medias bëhet shumë zhurmës, ndërkohë që libra të tjerë futen në “burg” nga mungesa e qarkullimit nëpër librari, gjë që e bën librin jo efiçent. “MTKRS duhet të zhvillojë mekanizma që ta orjentojnë lexuesin drejt vlerave të vërteta dhe jo drejt zhurmave sezonale”, tha ai.

Lidhur me propozimet e bëra, ndryshe e shtroi problemin pedagogia Dhurata Shehri duke ngritur pyetjen se si mund të nxitet leximi kur nuk ka statistika se sa lexohet, çfarë lexohet, cilat grupmosha, etj.

“Propozimi im inicimi i një studimi i cili nga një anketim të kthehet më pas në një diskutim lidhur me të dhënat për të kuptuar cila letërsi preferohet, cilat tema, autorët, etj”, tha Shehri.

Mungesa e bashkëpunimit të MTKRS-së me Ministrinë e Arsimit është problemi tjetër që Shehri ngriti, nisur nga të dhënat se nxënësit kanë jo më shumë se 6 libra jashtëshkollor të detyrueshëm për të lexuar. “Politikat arsimore kanë çuar në këto të dhëna dhe duhen bërë politika të përbashkëta pasi edukata e leximit merret në shkollë”, tha Dhurata Shehri.

Gjatë takimit, ku shkrimtarë të ndryshëm shprehën problemet e tyre, u fol edhe në lidhje me mungesën e një rrjeti revistash apo gazetash letrare, mungesa e librit në rrethe, mungesa e librarive të mëdha ne vend, mungesa e një katalogu të librave që botohen, etj.

Shkrimtari dhe përkthyesi Agron Tufa tha se rrjeti letrat i revistave apo gazetave do të sillte një peizazh të tendencave letrare dhe se dinamizmi i leximit nuk mund të mendohet pa një rrjet të tillë.

Nga ana tjetër shkrimtari dhe dramaturgu Stefan Çapaliku u shpreh në lidhje me fondin e ndryshueshëm nga viti në vit të MTKRS-së për librin dhe nuk ka asnjë arsye për këtë.

Sipas disa statistikave të bëra publike nga MTKRS, shpenzimet për librin për vitin 2006 janë 17.349.800 lekë, për vitin 2007 janë 10.000.000 lekë, për vitin 2008 janë 20.485.000 lekë, për vitin 2009 janë 18.937.000 lekë.

Viti 2010 shënon dhe vitin kur janë bërë dhe shpenzimet më të mëdha, 38.273.034 lekë, ndërkohë që gjatë vitit 2011 janë shpenzuar vetëm 3.307.000 lekë. Mbështetja totale e MTKRS për librin që prej vitit 2006 është 108.351.834 lekë. Të pranishëm në takim ishim edhe shkrimtarë si Bardhyl Londo, Viktor Canosinaj, Edmond Tupe, etj.

Fare thjesht.

Mos e ndizni PC dhe TV dhe lexoni librin

Daku shkruajti:Fare thjesht.

Mos e ndizni PC

Une gjysmat e librave i zbres nga interneti.

Gjithsesi,

Sdo e zevendesoja librin me asgje, e kam nje biblioteke timen, dhe akoma po e ndertoj e pasuroj.

Eshte keq per gjeneratat e reja sepse gjithcka u vjen ne tabaka argjendi. Gjithcka kane te gatshme, dhe si femije gjithmon zgjedhin menyren me te lehte. Interneti e tv-ja jane vegla te fuqishme qe skane te ndalur, sikur te kishin informata te filtruara sdo kishte kundershtime kaq shume, por per te qene konkurente nga mediumeve tjera, keto mediumet moderne fusin dhe berllok. Si thone : Kur hyn berllok, berllok edhe do dale.

une mendoj se ka nje variant per te ber lexuesin te lexoj libra psh.
nje faqe tekst libri nje faqe foto erotike nje faqe keshtu e nje ashtu dhe ja u lexua libri e shikoni sa e thjesht?

Per deri sa ke pasion Leximit s'te pengon asgje te mos lexoshe..por te rinjet e sotem preferojn te lujn video games apo te hyn Fb...Tw, Chat ,etij ne Pc se sa te merr te lexoj i libre..

Lexojme ne pc pra meqe sgjejme kohen per te lexuar libra ben pune e pc,nuk hap asnje web faqe tjeter per gjysem ose nje ore qe te kesh vemendjen ne ate qe lexon...u kry puna te lodhen pak syte por kemi e syzet optike ne hajde hajde tani me mos u qani per asgje i kemi kushtet (tongueout)