Times: Myslimanët e kuptojnë demokracinë më mirë se liberalët

Gazeta prestigjioze amerikane “Times” shkruan në një artikull të saj se myslimanët e kuptojnë demokracinë më mirë se liberalët. Duke iu referuar zgjedhjeve të fundit parlamentare në Tunizi dhe Egjipt, të cilat u fituan nga myslimanët, “Times” raporton se këto zgjedhje treguan se këta të fundit e kuptojnë demokracinë më mirë sesa liberalët.

Në artikull shkruhet gjithashtu se partia Nehda në Tunizi dhe ajo për Liri dhe Drejtësi në Egjipt, treguan se jo vetëm që janë më të organizuar, por edhe më të zgjuar. Fushatat e tyre elektorale ishin të fuqishme dha ato siguruan një mbështetje të madhe nga masat e gjera.

Sipas “Times” fitorja e myslimanëve në Egjipt dhe Tunizi erdhi si pasojë e shumë faktorëve. Ata krijuan aleanca edhe me parti laike, duke deklaruar se nuk do të nxjerrin kandidaturën e tyre për president të Egjiptit. Fitorja e tyre u ndikua edhe nga kontributi i madh social që ata kanë dhënë përgjatë viteve të kaluara. Gjithashtu pjesa fetare e tyre qetësoi masat se qeveria e formuar prej tyre, do të jetë transparente dhe e ndershme.(dritaislame.al/albeu.com)

epo jan me te qet ne aspekte politike jo si ata qe i marrin me shum stress