Salsiçja ia thyen dhëmbin, merr dëmshpërblim

Drejtësia ka kërkuar nga “Jean Caby”, fabrika për përpunimin e produkteve të mishit, që një personi nga Reims, në verilindje të Parisit, t’i japë 4.700 euro dëmshpërblim, meqë ky i fundit kishte thyer një dhëmb teksa po hante një salsiçe të kësaj marke të njohur.
Në shkurt 2008, një klient i markës “Jean Caby” kafshon një salsiçe, në të cilën ishte një copë kuarci rreth tre milimetra e madhe, duke thyer kështu një dhëmb. Me shokun e tij i pranishëm teksa po drekonin, ai vendos ta çojë çështjen në gjykatë.
Gjykata më pas urdhëron bërjen e një ekspertize, e cila konfirmon se dhëmbi është thyer nga pjesëza e kuarcit. Kështu që, gjykata të hënën e ka dënuar prodhuesin “Jean Caby” me një dëmshpërblim prej 4.700 eurosh, të cilat do t’i marrë viktima.“Klienti im kishte pësuar edhe një dëmtim estetik. Për këtë arsye, ai është detyruar të bëjë protezë dhe kjo i ka kushtuar. Fajtor për këtë ishte salsiçja”, ka thënë Emmanuel Ludo, avokati i viktimës së salsiçes.Ndërsa, shoqëria ”Jean Caby” ka njoftuar se do të apelojë ndaj këtij vendimi.

vaj hallit po ti kish thyer te tera 36x4700 sa bejne hahaha milionere njera

Mire kan bere qe i kan thene deshperblim.