Majmuni “kalorës” shkatërroi bahçen

Një bujk kinez thotë se majmuni i cili “kalëron” një dhi, futet çdo ditë në bahçen e tij për të vjedhur e shkatërruar perimet.
Bujku Ye Shu nga qyteti Donguan i Kinës, thotë se majmuni dhe dhia i përkasin një cirku që gjendet afër pronës së tij. Ai thotë se dhia dhe majmuni hyjnë së bashku në bahçe, çdo ditë, për të ngrënë perime. Gjatë këtij “aksioni”, ata shkatërrojnë edhe ato perime të cilat nuk mund t’i hanë.
“Kjo po ndodhë që dy javë. Mu para dy javësh cirku erdhi në vendin tonë”, ankohet Ye.
Bujku thotë se majmuni ngjitet në shpinën e dhisë për të parë se askush nuk është në bahçe, e më pas dy kafshët nisen bashkë për të vjedhur.
Zëdhënësi i cirkut pranoi se askush nuk i ruan kafshët, pasi ato përfundojnë performancën e tyre të përbashkët.
“I kemi shkaktuar dëm bujkut dhe i kërkojmë falje për këtë”, tha Wu Jun, anëtar i cirkut.
Wu thotë se cirku do të kërkojë njerëz të rinj për t’i ruajtur kafshët, për të mos u përsëritur i njëjti incident edhe në të ardhmen.

aahahhaahah kalores i papare.