Protestat në Kosovë, plagosen aktivistë shqiptarë e kosovarë

Autori i Lajmit: Fabian Saliasi

Sot, Serbia nuk kalon" - ishte ky slogani i fundit i Lëvizjes Vetëvendosje, në protestën që është zhvilluar në dy pikat kufitare që lidhin Kosovën me shtetin serb, përkatësisht në Merdarë dhe në Dheun e Bardhë. Pavarësisht kritikave të ashpra dhe thirrjeve për të mos e zhvilluar aksionin në pikat kufitare, Lëvizja Vetëvendosje nisi rreth orës 13:00 protestën e paralajmeruar në dy pikëkalimet kufitare me Serbinë, për të ndaluar hyrjen e mallrave serbe në Kosovë. Situata që pas nisjes së aksionit të Policisë së Kosovës në orën 13:00 ka qenë mjaft e tensionuar, veçanërisht në Podujevë, ku policia ka ndërhyrë me shkopinj gome dhe gaz lotsjellës për të shpërndarë aktivistët e Lëvizjes Vetëvendosje si dhe qindra protestues. Gjatë ditës pati zhvillime të shumta dhe konfuzion sidomos pas përhapjes së lajmit për arrestimin e liderit të Vetëvendosjes, Albin Kurti. Policia kosovare dhe përfaqësues të kësaj lëvizjeje përgënjeshtruan lajmin për arrestimin e Kurtit. Kreu i Vetëvendosjes, i cili ka qëndruar në pikën e Besianës, ka pësuar vetëm lëndime të lehta pas ndërhyrjes së policisë, por ka qëndruar gjithmonë mes protestuesve. Sipas policies, nga përleshjet e djeshme janë plagosur të paktën 13 policë, ndërsa 50 protestues dhe aktivistë të Vetëvendosjes janë arrestuar. Gjatë ndërhyrjes, policia ka hasur në rezistencë aktive nga ana e protestuesve duke sulmuar policinë me mjete te ndryshme të forta. Për ndërhyrjen e Policisë së Kosovës ka reaguar edhe Këshilli për Mbrojtjen e të Drejtave dhe Lirive të Njeriut. "Policia e Kosovës nuk ka ofruar ndihmë për të plagosurit e Vetëvendosjes. Përkundrazi, i kanë tërhequr zvarrë dhe arrestuar",- ka thënë Behxhet Shala nga ky Këshill. Ndërkohë, sipas mediave kosovare, pas shpërndarjes së protestuesve në Besianë kamionë me mallra serbë të shoqëruar nga policia kosovare hynë në territorin e Kosovës. Numri i protestuesve të arrestuar u rrit gjatë aksionit të zhvilluar nga Lëvizja Vetëvendosje me moton "Serbia nuk kalon", mes të cilëve edhe disa deputetë, si Glauk Konjufca, Visar Ymeri dhe Liburn Aliu. Gjithashtu, bëhet e ditur se është arrestuar edhe nënkryetari i Lëvizjes Vetëvendosje, Shpend Ahmeti. Sipas Vetëvendosjes, gjithashtu të arrestuar janë Arbër Zajmi, Frashër Krasniqi, Naim Bunjaku etj. Vetëvendosja bëri me dije se gjatë arrestimit është dhunuar nga Policia e Kosovës deputeti Glauk Konjufca.

Edhe kosova me keq se ne.