Një “shëtitje” mes peshkaqenëve? E mundur në Hotel Golden Nugget

Londër, 2 Shkurt 2012, NOA - Tashmë çdo person mund të shohë dhe të kalojë shumë pranë peshkaqenëve, duke përjetuar një eksperiencë që do ti lërë mbresa të paharrueshme.

Faktikisht, hoteli Golden Nugget në Las Vegas ka vendosur të ofrojë këtë shërbim tepër të rrallë për të gjithë klientët e saj.

Në kompleksin e pishinës së brendshme të hotelit, është krijuar një rrëshqitëse transparente, e cila kalon në mesin e një akuariumi gjigand ku padronët e të cilit janë vetëm peshkaqenët.

Një eksperiencë e cila pa asnjë dyshim të bën që të dridhurat të kalojnë në çdo pjesë të trupit.

Siç është raportuar për agjencinë e lajmeve NOA.al, për të realizuar diçka të tillë pronarët e hotelit kanë shpenzuar një shifër marramendëse 13 milionë dollarësh.

r.b/NOA

Kujt tia mbaje eshte i mirepritur,te shkoje.