Kërcënon me jetë Obamën në Facebook: Do t’i vë një plumb në kokë

Një 20-vjeçar nga Florida, i cili u arrestua javën e kaluar, tha se ai ishte duke shkuar për t’i "vënë një plumb në kokë” presidentit Barack Obama.

Joaquin Serrapio, nga Majami, u arrestua nga Shërbimi Sekret i SHBA-ve në 24 shkurt, pasi akuzohet se kishte ndër mend të vriste apo t’i shkaktonte lëndime trupore Presidentit të Shteteve të Bashkuara.

Bëhet me dije gjithashtu se Obama ishte në Florida, të enjten e kaluar për të mbajtur një fjalim në lidhje me energjinë në Universitetin e Majamit.

Por dy ditë para paraqitjes së tij atje, më 21 shkurt, Serrapio postoi një mesazh në faqen e tij në Facebook me fjalët:

"Kush dëshiron të më ndihmojë të vras Obummer ndërsa ai do të jetë në UM këtë javë?".

Kurse më 23 shkurt, ditën që Obama foli në universitet, Serrapio postoi një mesazh tjetër në Facebook duke thënë:. "Nëse askush nuk shkoi sot në UM për të parë Obaman ... rekord. Pasi në çdo moment do t’i vija një plumb në kokë dhe ju nuk duhet ta humbisnit këtë ...”.

Ndërkaq, Shërbimi Sekret është informuar në lidhje me të tilla mesazhe nga policia lokale dhe e ka arrestuar Serrapion në shtëpinë e prindërve të tij në Majami të premten, ku ata gjetën një iPad që përmbante mesazhet e shkruara në Facebook, bashkë me një pushkë të tipit snajper, madje edhe një pistoletë.

e.t/NOA

I shkreti obama sa do te jete trembur