Falsifikator, por jo i zotë, ngatërron presidentin tek kartëmonedha 100 dollarëshe

Memphis, 14 Mars 2012, NOA - James Rhyne, nga Memphis, ka dalë në faqe të parë të gazetave si një nga hajdutët më të “trashë” në mbarë botën.

Megjithatë duhet të njihet dhe merita e Rhyne, pasi është një artist që gjithsesi zotëron talent dhe ka qenë pikërisht ky fakt që e ka shtyrë të bëhej falsifikator.

Rhyne, pasi kishte mbarur së ngrëni në një restorant, në momentin që duhet të paguante llogarinë nxori nga portofoli i tij një kartëmonedhë 100 dollarëshe.

Kasieria duke e parë me dyshim e pyeti se përse po paguante me këtë kartëmonedhë duke i kërkuar shpjegime.

Rhyne insistoi që të bënte pagesën dhe në këtë moment një truproje ndërhyri dhe e ftoi zotërinë të priste autoritetet.

Faktikisht, kartëmonedha 100 dollarëshe me të cilën Rhyne donte të paguante llogarinë paraqiste presidentin Lincoln, në vend që të ndodhej Benjamin Franklin.

Për sa i përket pjesës tjetër kartëmonedha ishte më se e realizuar dhe vetëm gabimi i “tmerrshëm” bëri dallimin e saj.

Mund të themi se ende nuk është shumë e qartë se si ka mundësi që Rhyne, i cili me shumë mjeshtëri realizoi të gjithë kartëmonedhën gaboi në një pikë të tillë.

r.b/NOA

ca budallenjsh.