Kush është alergjik, të hajë vezë prej Australie

Shkencëtarët australianë janë duke krijuar vezët laboratorike, të cilat nuk shkaktojnë alergji ushqimore, e mund të vihen në përdorim edhe si vaksina kundër tyre.

Janë pikërisht shkencëtarët e Universitetit të Melburnit, të cilët janë duke trajtuar pulat në një mënyrë të posaçme, nga e cila pretendojnë të nxjerrin më pas vezën “magjike” e cila nuk mund të shkaktojë alergji dhe të mbron prej saj

Nga ana e tij, profesor Suphioglu Cenk, i cili drejton projektin tha në një deklaratë se qëllimi nuk është që të prodhohen pula të modifikuara gjenetikisht, por thjesht që të krijohet një qasje krejtësisht e re e problemit.

"Ne jemi thjesht duke modifikuar proteinat e albuminës që gjenden tek veza, në mënyrë të tillë që të mos promovojnë alergjinë. Në studimet e fundit kanë qenë të klonuar gjenet e alergjisë që shkakton veza, por askush deri më tani ka arritur të bëjë jo-alergjike proteinat e saj”, ka sqaruar ai lidhur me një fakt të tillë.

Disponueshmëria e vezëve jo-alergjike do të jetë një lehtësim për mijëra fëmijë, në rrezik të goditjes fatale anafilaktike nëse ata hanë të bardhë veze, mbështet Suphioglu.

e.t/NOA

ju befshin mire.............