Tablloja “Klithma” e Edvard Munch vleresohet me 80 milione $

Agjencia ITAR-TASS njofton se “Sotheby-s” ka nxjerre ne ankand variantin e vetem, qe mbetet ne pronesi private, te tabllose se famshme te piktorit ekspresionist norvegjez “Klithma” (“Scream”) Edvard Munch. Piktura do te ekspozohet me 2 maj ne Nju Jork, cmimi i vleresuar i saj eshte 80 milione $.

Tablloja “Klithma” (“Scream”) Edvard Munch eshte nje nga veprat me te famshme te artit te periudhes se modernizmit. Sipas mendimit te kritikeve, piktura shpreh ndjenjen e frikes dhe ankthit, qe ndjekin, persekutojne njeriun e qyteterimit bashkekohor.

Nga kater versionet e tabllose “Klithma” (“Scream”), te cilat u krijuan nga Edvard Munch, tre ndodhen ne muzete e Norvegjise dhe vetem nje ne koleksion privat. Pronar i saj eshte milioneri norvegjez Petter Olsen, i cili dhe po e nxjerr ate per shitje ne ankand. Ai e trashegoi kete tabllo nga babai i tij, nje ish pronar i pasur anijesh Tomas Olsen, i cili ka qene mik dhe fqinj i Edvard Munch.

Sipas fjaleve te kritikeve tablloja “Klithma” (“Scream”), qe ndodhet ne pronesi te Petter Olsen, eshte realizuar me pastel. Ajo dallohet prej tre variateve te tjera nga paleta vecanerisht e spikatur, e larmishme e ngjyrave.

Pronari aktual i piktures ka ndermend t’i perdore parate e marra nga shitja e piktures per te ndertuar nje muze, nje qender arti dhe nje hotel ne cifligun e tij rural ne Norvegji. (B.L/Infoalbania)

ia vlenka kjo gje.