Foto – Fëmijën me fytyrë ujk e lepur e braktisi nëna në maternitet

Ky fëmijë për gati 2 vjet nuk ka marrë ushqimin si gjithë foshnjat e tjera, por është ushqyer me shiringë. I vogli është braktisur në maternitetin e Shkodrës edhe nga vetë nëna pas çrregullimeve fizike në fytyrë.
Fëmija ka lindur pa qellëz, buzët e tij nuk ishin të zakonshme, ajo e sipërme ishte si e një lepuri dhe e poshtmja si e ujkut.
Në Shkodër familja e djalit prej 2 vjetësh, kërkonte ndihmë, por në spitalin e këtij qyteti nuk kishte gjetur zgjidhje. Ky problem u zgjidh pas një ndërhyrje të gjatë kirurgjikale në Qendrën Spitalore Universitare “Nënë Tereza”.
“Kishte lindur normal, këto janë punët e zotit. Fëmija nuk ka qellëz. Gjithmonë ushqehej me shiringë tashmë përdorte biberon”, tregon Shpresa Dajlani, nëna e fëmijës.
Pas ndërhyrjes, trupa e mjekëve të spitalit ORL, e konsideroi operacion të vështirë, por që gjithsesi përfundoi me sukses.
”Këto operacione bëhen kryesisht pas lindjes, në moshën 3 deri në 6 muajsh. Ky fëmijë ka ardhur pas dy vitesh për arsye sociale. Ne u treguam të gatshmë për të kryer operacionin. Janë intervente të cilat janë tepër të vështira për t’u kryer, këqaqësia tashmë është e madhe pas operacionit”, shprehet mjeku Ramazan Isufi.
Rasti i dyvjeçarit nga Shkodra konsiderohet nga mjekët si një anomali që në embrion. Raste të tilla, edhe pse të pakta në numër, janë ndeshur edhe herë tjetër në vendin tonë.