Jehona Sopi do të bëhet me vajzë

Këngëtarja e njohur kosovare, Jehona Sopi është larguar nga skena muzikore dhe ka lënë mënjanë të gjitha angazhimet e saj si dhe punën, pasi do të sjellë në jetë fëmijën e saj të parë.

Lajmi mbi shtatzëninë e këngëtares ka bërë bujë pas publikimit në një emision televiziv në Kosovë, si dhe në “Panorama plus”, por Jehona nuk kishte treguar se çfarë gjinie ishte fëmija që pret. Këtë javë mësuam se bebja që pret çifti i njohur është vajzë dhe se do të jetë fëmija i parë i Jehonës dhe Lavdimit (Koshutovës), që pritet të lindë pas disa muajsh. Jehona i bashkohet listës së femrave VIP, të cilat këto dy vjet të fundit kanë sjellë në jetë fëmijë dhe janë martuar.

Këngëtarja e njohur e kurorëzoi dashurinë e saj me martesë në Las Vegas dhe Bora-Bora, larg syrit mediatik, ndërsa pas kthimit në Kosovë ajo bëri një celebrim të thjeshtë në mesin e shoqërisë dhe familjes, por nuk harroi të shpërndajë nëpër media edhe fotot e këtyre dy rasteve të rëndësishme të jetës së saj.

Si transmeton Indeksonline, lidhja e saj me Lavdimin daton vite më parë, që kur bankieri i njohur ishte me banim në Londër, para se të kthehej dhe të bëhej anëtar i bordit të NLB Prishtina.(koha)

hajde me jete te gjate ishalla.