Presidenca e Kosovës “zyrtarizon” kombin kosovar

Prishtinë, 14 prill – Kombi kosovar është zyrtarizuar nga Presidenca e Kosovës qysh në kohën kur ky institucion udhëhiqej nga Fatmir Sejdiu. Zyrtarizimin në letër të kombit kosovar e ka respektuar edhe presidentja Atifete Jahjaga.

Nëse ndonjë qytetar vendës vlerësohet se ka dhënë kontribut të shquar për ta përfaqësuar Kosovën, ai mund të nderohet me dekoratën “Ambasador i Kombit të Kosovës”, dekoratë kjo që deri të premten pasdite ka figuruar në faqen zyrtare të Presidencës së Kosovës, në rubrikën “te dekoratat”. Aty thuhej se “dekorata ‘Ambasador i Kombit të Kosovës’ u jepet personaliteteve të shquara të Kosovës, që kanë merita të veçanta në lartësimin e imazhit të Kosovës në botë”.

“Zyrtarizimin” e kombit kosovar përmes kësaj dekorate që Presidenca e Kosovës nuk e ka ndarë asnjëherë, zyrtari në Departamentin e Informacionit të Zyrës së Presidencës, Safet Zejnullahu, e ka arsyetuar duke thënë se emri i kësaj dekorate është “Ambasador i Kosovës”, me përshkrimin se kjo dekoratë “u jepet personaliteteve të shquara të Kosovës, të cilët kanë merita të veçanta në lartësimin e imazhit të Kosovës në botë”.

Mirëpo, sipas Zejnullahut, ky është një lëshim teknik pasi që faqja zyrtare e Presidencës ishte hakuar kohë më parë.

Interesante qenkan nderruar vendet dmth