Piktura e rrallë e Cezannes shitet për 15 milionë euro
2 posters
Piktura e rrallë e Cezannes shitet për 15 milionë euro
Një pikturë e rrallë në akuarel e Paul Cezanne që besohej se ka qenë e panjohur për afërsisht 60 vjet, është shitur për më shumë se 15 milionë euro. Piktura e Cezzanes është shitur në një ankand të organizuar në New York.
Sipas përfaqësuesve të shtëpisë së ankandeve “Christie”, piktura e titulluar “A Card Player” i është shitur një blerësi që ka preferuar të mbetet anonim. Akuareli ishte pjesë e serisë së famshme të pikturave me ngjyra vaji të Cezannes të titulluar “Card Players”. Piktura ishte rizbuluar sivjet në koleksionin e të ndjerit Heinz Eichenwald, i cili ishte një koleksionues i njohur nga Dallasi, Texas.
Në këtë pikturë pasqyrohet një burrë me kapelë dhe xhaketë, i ulur në një tavolinë. Përveç ngjyrave bardhezi, me të cilat ishte i njohur më parë, piktura përmban edhe ngjyrën e kaltër dhe të portokalltë. Artisti francez post impresionist, e kishte realizuar serinë prej pesë pikturave të titulluar “Card Players”, gjatë periudhës 1890 deri në 1895. Piktura e shitur në ankandin e fundit pasqyron një kreativitet të rrallë të Cezannes.
Njeriu që shihet në pikturë është Paulin Paulet, një kopshtar që ka punuar në afërsi të provincës Aix në Francë. Për herë të fundit piktura ishte ekspozuar në një galeri në New York në vitin 1953. Sipas Christie, pronari i fundit i pikturës, Heinz Eichenwald, e kishte trashëguar atë nga babai i tij. Vlera fillestare për pikturën ishte parashikuar të jetë midis 14 e 19 milionë euro. Galeria “Courtauld Gallery” në Londër kishte ekspozuar serinë prej pesë pikturave në vitin 2010 dhe ekspozita kishte udhëtuar për në “Metropolitan Museum of Arts” vitin e kaluar.
Në ankandin e fundit të mbajtur në New York, “Christie” ka vënë në dispozicion 31 piktura dhe skulptura. Shumica prej tyre janë shitur për çmime më të larta sesa vlerat fillestare, derisa tri prej tyre nuk e kanë arritur as vlerën minimale.
Në mesin e shitjeve më të suksesshme ishte edhe një pikturë e Henri Matisse, e realizuar në vitin 1907, e titulluar “Peonies”, që u shit për 14,5 milionë euro. Ndërkohë, “The Sleeper”, një portret i realizuar nga Pablo Picasso në vitin 1932 është shitur për 7,5 milionë euro. Një pikturë e Joan Miro, e titulluar "L'arête rouge transperce les plumes bleues de l'oiseau au pâle bec" është shitur për 3,2 milionë euro.
Sipas “Christie”, vlera e përgjithshme e veprave të shitura në këtë ankand ka qenë 90 milionë euro./knni/
Emona- WebMaster
- Postime : 46759
Gjinia :
Anëtarësuar : 12/03/2010
Re: Piktura e rrallë e Cezannes shitet për 15 milionë euro
qenka pikture e bukur
Anakonda- V.I.P Anëtarë
- Vendbanimi : Australia
Postime : 31717
Gjinia :
Anëtarësuar : 02/12/2011
Mosha : 34
Hobi : Once Upon A Time
Similar topics
» Monedha e rrallë antike, shitet për shifrën rekord 7.4 milionë dollarë
» Ora zvicerane shitet për 4.4 milionë euro
» Piktura më e shtrenjtë në botë: shitet 250 milion dollarë (FOTO)
» Shitet lopa 1.2 milionë dollarë
» Jadrankakosor.com shitet për 274 euro
» Ora zvicerane shitet për 4.4 milionë euro
» Piktura më e shtrenjtë në botë: shitet 250 milion dollarë (FOTO)
» Shitet lopa 1.2 milionë dollarë
» Jadrankakosor.com shitet për 274 euro
Drejtat e ktij Forumit:
Ju nuk mund ti përgjigjeni temave të këtij forumi