Kopertina shokuese e “Time”

Londër, 11 maj 2012, NOA- E përjavshmja “Time” del me një kopertinë të një nëne e cila me gjoksin e zbuluar ushqen fëmijën e saj 3 vjeçar, jashtë moshës normale kur fëmijët ushqehen me qumësht gjiri.

Titulli i saj është, “Je nënë mjaftueshëm”, më pas vijohet me, “Pse ushqyerja me gji jashtë moshës së lejuar bën që disa nëna të kenë sjellje të çuditshme”.

Siç raporton noa.al, kjo kopertinë ka ngjallur debate të vazhdueshme dhe kritika nga më të shumëllojshmet, duke u cilësuar si shokuese.

Djali 3 vjeçar është i veshur dhe qëndron në këmbë mbi një karrige për të arritur te gjiri i nënës së tij, duke parë objektivin.

Revista nëpërmjet kësaj kopertine synon të ndikojë në sjelljet e prindërve të tillë ndaj fëmijëve që e kanë kaluar moshën e ushqyerjes me gji.

Për shembull rekomandime të tilla janë edhe në librin “Baby Book” i doktor Bill Sears, i cili flet për zgjatjen e tepërt të ushqimit me gji dhe ndarjen e krevatit mes nënës dhe fëmijës.

Ndër komentet që po qarkullojnë më shpesh në blog dhe Twitter janë ato si, “E adhuroj këtë fotografi në mënyrën më të shpifur të mundshme, apo “Prindër përgatituni t'u përgjigjeni fëmijëve kur të shikojnë këtë kopertinë”.

a.y/noa.al

mka ardh per tvjell kur e kam pa;shum e neveritshme