Serbët protestojnë, bllokohen kamionët në Merdar

Serbët protestojnë, bllokohen kamionët në Merdar

Prishja e një ure në Serbi nga pesha e një kamioni me rërë, ka nxjerr në protestë disa serbë matanë kufirit, duke ndërprerë kështu edhe qarkullimin e të gjitha mjeteve transportuese në pikën kufitare në Merdar në të dy drejtimet. Të drejtë qarkullimi kanë vetëm automjetet e vogla që nuk transportojnë mallra me peshë të rëndë. Lajmin për këtë e kanë dhënë Zyra për Informim e Policisë së Kosovës nëpërmjet një komunikate për shty.
Zyrtarët policorë të Policisë Kufitare të Kosovës, që shërbejnë në pikë-kalimin kufitar në Merdar, kanë pranuar një informacion nga autoritetet policore serbe se është ndërprerë qarkullimi i automjeteve transportues (kamionëve) me peshë, në të dy drejtimet, atë nga Serbia për në Kosovë dhe anasjelltas”, thuhet në këtë komunikatë të Policisë.

Ndërprerja e qarkullimit të automjeteve transportuese të ngarkuara me peshë, sipas policisë, është bërë për arsye të organizimit të një proteste të një grupi qytetarësh serbë në territorin e Serbisë. Ata në shenjë revolte kanë bllokuar rrugën, me arsyetimin se më 11 maj një kamion i ngarkuar me rërë, nga pasha e rëndë ua ka dëmtuar një urë.

“Zyrtarët policorë të Policisë Kufitare të Kosovës rreth orës 14:00 kanë kontaktuar me autoritetet policore serbe dhe kanë sqaruar se automjetet e vogla dhe automjetet transportuese të cilat nuk janë të ngarkuar me peshë të rëndë mund të qarkullojnë, ndërsa për ato të cilat janë të ngarkuara me peshë të rëndë u është ndërprerë qarkullimi deri në një vendim të ardhshëm”.

Nëpërmjet kësaj komunikate, Policia e Kosovës ka apeluar te të gjithë ngasësit e automjeteve transportuese që bartin pasha të rënda që të shfrytëzojnë për qarkullim pikë-kalimet tjera kufitare e jo atë të Merdarit. /Telegrafi/

kta serbet po bojn qka po dojn...ne shqiptaret veq po kqyrim e sen sjemi ka bojm...aaaaa :armati17:

aahahahhahaahahaa epo te shkretit ua kan vriken se e din se ne shqiptaret jemi me derrasa mangujt