Bllokohen 27 makina të vjedhura, 4 në pranga

Foto Ilustruese


TIRANE- Një operacion i koordinuar i Policisë së Shtetit në nivel qendror dhe vendor, ka sjellë bllokimin e 27 automjeteve. Nga verifikimi në sistemin e Interpolit kanë rezultuar të vjedhura jashtë vendit. Në një konferencë për shtyp Policia e Shtetit njoftoi se në kuadër të operacionit “Vjeshtë 2011 II”, janë kryer verifikimet përkatëse për rreth 432 automjete të ndryshme, nga të cilat janë bllokuar 27 automjete.

27 automjetet që kanë rezultuar të vjedhura jashtë vendit janë
bllokuar gjatë kontrolleve të ushtruara në Qarqet:
- Berat, 7 automjete
- Korçë, 4 automjete
- Elbasan, 4 automjete
- Vlorë, 2 automjete
- Tiranë, 6 automjete
- Shkodër, 2 automjete
- Lezhë, 2 automjete
- Fier, 1 automjet
- Gjirokastër, 1 automjet
-
Automjetet ishin të llojeve :
- Benz Mercedes 6 automjete
- BMV 4 automjete
- Volzvagen 4 automjete
- Audi 2 automjete
- Smart 1 automjet
- Fiat 1 automjet
- Rang rever 1 automjet
- Alfa 1 automjet
- Opel 1 automjet
- Nisan 1 automjet
- 3 automjete të rënda etj.

Sipas Policisë së Shtetit, nga verifikimet e kryera në sistemin e Interpol këto automjete kanë rezultuar të vjedhura kryesisht në Itali, Kroaci, Bullgari, Serbi, Poloni, Afrikë e Jugut dhe vende të tjera.

Nga ky operacion janë bllokuar gjithashtu edhe 25 automjete të tjera, të cilat
nga verifikimet e kryera kanë rezultuar me mangësi në dokumentacion. Gjithashtu është bërë e mundur që të bllokohen dhe 4 armë zjarri pistoleta të
llojeve të ndryshme, si dhe një sasi e konsiderueshme municioni, për
të cilat janë arrestuar në flagrancë 4 shtetas.

Operacioni i Policisë së Shtetit do të vazhdojë edhe në ditët në vijim.

http://www.panorama.com.al/