SHBA, FDA së shpejti “OK” ilaçit të parë kundër HIV

Medikamenti i ri ndihmon në parandalimin e infektimit nga virusi HIV dhe shfaqjen e AIDS

Brenda datës 15 qershor, “Food and Drug Administration” (FDA) mund ti hapë “dritën jeshile” përdorimit të medikamentit të parë që parandalon infeksionin nga Hiv. Autoriteti më i lartë për aprovimin e medikamentev,e ka marrë parasysh mendimin pozitiv të një komisioni prej 22 ekspertësh të pavarur, pjesa më e madhe e të cilëve është shprehur në favor të trajtimit të ri terapeutik.

Bazat e medikamentit janë “emcitrabina” dhe “tenofovir disoproxil”, dy përbërës që prej kohësh përdoren për të mbajtur nën kontroll infeksionin dhe shmangin shfaqjen e simptomave të AIDS.

Sipas FDA-së, marrja çdo ditë e një pilule që përmban të dy molekulat, mund t’u kursejë pacientëve: “infektimin që çon në shfaqjen e një sëmundjeje të rëndë dhe të rrezikshme për jetën, por dhe që kërkon mjekim për gjatë gjithë jetës”.

Medikamenti është hedhur në treg që nga viti 2004 dhe këshillohet nga mjekët si pjesë e një koktejli përbërësish aktivë që pengojnë riprodhimin e virusit, duke ulur propabilitetin e shfaqjes së AIDS. Një studim i publikuar në vitin 2010 ka treguar, se ky medikament mund të parandalojë infeksionin tek personat e riskuar.

Gjatë kryerjes së një studimi, që zgjati 3 vjet, është arritur të tregohet se përdorimi i përditshëm i medikamentit, i kombinuar me përdorimin e prezervativëve dhe mbështetjen psikologjike, ul deri në 44% rrezikun e infektimit si tek personat homoseksuale, si tek ata biseksualë. Sipas një studimi të mëtejshëm, tek heteroseksualët rreziku ulet deri në 75%.

Ishalla naj gjo e hajrit se kto amerikanet shquhen per te tilla gjona.