Rozana Radi: “Të dija se ku doja të jetoja,

I kishte humbur vëmendjes mediatike, por së fundmi këngëtar ja Rozana Radi i është rikthyer rrugëve të Tiranës dhe jo vetëm atyre, por edhe projekteve muzikore siç janë dy klipet e saj të cilët pritet të lançohen këto ditë.Prej kohësh jeni shfaqur shumë pak në media. Çfarë ka ndodhur?Çdo artist ka nevojë për një periudhë pushimi. Pastaj u largova nga Shqipëria për të qëndruar në Kosovë. Dhe jetesa atje më ka ndihmuar të mos jem në gojën e gazetarëve apo paparacëve.
Si po shkon lidhja me Kreshën?
Shumë mirë. Ju ndryshe nga shumë çifte të famshmish keni karriera individuale. Ndërkohë, çifte të tjerë e përdorin lidhje për të krijuar më shumë popullaritet.
Përse keni vendosur që lidhjen të mos e shfrytëzoni dhe në planin profesional?
Në kemi pasur karriera individuale para se të lidheshim. Secili prej nesh kishte projektet e veta dhe ne kemi vazhduar me këto projekte edhe pas lidhjes. Nuk kemi ndryshuar asgjë nga planet profesionale për hir të lidhjes as nuk jemi përpjekur ta shfrytëzojmë artistikisht faktin që jemi bashkë. Mbi të gjitha ne nuk na bëri të famshëm lidhja, nuk kemi nevojë të arrijmë të kërkojmë famë duke e shfrytëzuar këtë fakt.Vërtet jemi çift por secili bën punën e vet dhe ne jemi të kënaqur me këtë lloj marrëdhënieje ku secili ka dhe bën punën e vet.
Si është bashkëjetesa?
Bashkëjetesa është e mirë, por në të vërtetë nuk ka ndryshuar ndonjë gjë të rëndësishme në jetën tim. Unë vazhdoj të kem të njëjtët miq, të shoqërohem me ta, të kem koncerte, të bëj tekste, të realizoj këngë, të gatuaj. Ah po tani kam filluar të gatuaj për dy vetë ( qesh). Ndoshta ky është një nga ato që mund të quhen ndryshime që kanë ardhur me bashkëjetesën.
Ke zbuluar ndonjë gjë të re te Kresha gjatë bashkëjetesës?
Nuk është aq punëtor sa më dukej në fillim, është edhe më shumë. Kresha është një person që i dedikohet muzikës 100%. Kurrë nuk do ta kisha besuar që një tip si ai mund të mbyllej 24 orë në studio dhe ti përkushtohet vetëm muzikës. Kresha i krijon vetë tekstet e veta, krijon për artistë të tjerë, ndërhyn në vijën melodike të një këngë. Me pak fjalë është një nga artistët më punëtorë që kam pasur rastin të njoh, jo më kot karriera e tij është kaq e suksesshme. Këshilloheni për punët tuaja? Po, normalisht unë i kërkoj mendime dhe më ka dhënë shumë ide. Është një njeri plot ide dhe tepër i vlefshëm për të pasur një mendim të pjekur profesional.
Kur ka pasur ndonjë rast konkret kur të ka ndihmuar me ndonjë ide?
Përveç Adrian Hilës i cili është kompozitori me të cilin unë bashkëpunoj, Kresha është personi i dytë që dëgjoj kur bëhet fjalë për të përzgjedhur stilin e këngës. Shpesh më thotë “duhet të eksperimentosh me këtë stil se të përshtatet më shumë” dhe si rezultat ka pasur gjithmonë të drejtë. Po konkurrencë keni me njëri tjetrin? Absolutisht jo. Lëvrojmë rryma të kundërta. Kresha është Kresh dhe unë nuk kam shansin ta konkurroj në stilin e vet. Në zhanrin e tij ai mbetet i pakonkurueshëm.
Kresha ka dhe shumë fanse femra, bëhesh xheloze?
Nëse do të kisha arsye të bëhesha xheloze, sepse ai nuk më ka dhënë kurrë shkas. Në raport me mua ai ka qenë gjithmonë shumë korrekt dhe duke qenë i tillë kam krijuar një besim absolute te ai.
Thuhet se familjarët e Kreshës ju konsiderojnë si nuse. Si janë raportet nusevjehërr?
Ne nuk jemi as të fejuar as të martuar, por është e vërtetë që kam raporte të mira me familjen e Kreshës, ka dy prindër të shkolluar, të kulturuar dhe jam e lumtur që më kanë hapur derën e shtëpisë. Kam marrëdhënie shumë të mira me ta.
Prej katër muajsh thuajse ke jetuar vetëm në Kosovë. Të ka munguar Tirana gjatë kësaj kohe?
Më ka munguar familja, motra, fëmijët e motrës, por megjithatë kam pasur mundësi të rikthehem herë pas here e ti takoj. Thuhet që u zhvendose përfundimisht në Kosovë… Jo, unë në Kosovë shkoj e vij shpesh, por Tiranën nuk ma zëvendëson qytet tjetër. Këtu kam shtëpinë, të afërmit, miqtë, nuk mund ta braktisja kurrë.
Por nëse do të martoheshit me Kreshën ku do të jetonit?
Nëse do të dija ku të jetoja atëherë do të martohesha, por nuk di ti përgjigjem së parës ndaj nuk kam çfarë të them as për të dytën.
Momentalisht me çfarë projektesh jeni marrë?
Gjatë kësaj kohe kam punuar me shumë artistë, të cilëve u kam krijuar tekstet e këngëve. Janë shumë artistë por dua të përmend vetëm disa si Ermal Fejzullahu, Sabri Fejzullahu, Aurela Gacce, Kejsi Tola etj. Momentalisht kam xhiruar dy klipe një me “Aragona band” i cili pritet të publikohet në datën 16 maj. Për realizimin e këtij klipi kam punuar me “Sync Creative”, kënga është një kompozim i Kico, kompozitori i këngës “lej fleshat” të kënduar nga Kresha. Pastaj do të lançoj me klip këngën “Më nuk jemi” me bashkëpunim me Ramadan Krasniqin. Më pas do të angazhohem si çdo vit në Maratonës e Këngës Popullore. Këtë vit në Maratonë do të vij me një këngë të njohur të cilën dëshiroj ta lë akoma surprizë. Gjatë muajve të verës do të vij edhe me një bashk ë p u n i m tjetër me Lyrical Son. Shumë shpejt do të sjell klipin e këngës “Femër”, pra këtë verë do të lançoj tre ose katër klipe.
Pse shumë?
Sepse jam në pritje të përfundimit albumit dhe dua ti paraprij albumit. Dua që njerëzit t’i dëgjojnë sa më shumë këngët që të jenë të përgatitur përse duhet ta blejnë albumin.
Bluetooth

shpresoj qe lidhja e ketyre te dyve te zgjase