Cifti i pinguinëve gay bëhen prindër

Homoseksualë dhe martesë, homoseksualë dhe prindër; prej kohësh janë terma kundërshtues me njëri-tjetrin, e kjo vlen edhe për botën e kafshëve.

Këtë herë, ata që kanë hapur diskutimin mbi këtë cështje janë dy pinguinë gay në një nga kopështet zoologjike të Madridit. Inca dhe Rayas “dalin” prej gjashtë muajsh së bashku dhe për të forcuar lidhjen e tyre kanë menduar kujdestarët e kopështit zoologjik. Ata kanë futur në “banesën” e çiftit të gay-ve një vezë pinguini, që të kishin mundësi të krijonin “një familje”.

Fillimisht dy zogjtë “e dashuruar” qendronin larg vezës dhe nuk dinin c’të bënin me të. Por më pas, Inca (që mesa duket kryen rolin e femrës në lidhje) kuptoi gjithcka dhe nisi të përkujdesej për vezën duke e mbuluar atë në pjesën më të madhe të kohës, ndërsa Rayas, në rolin e prindit mashkull “ruante grabitqarët”. Përkujdesja prindërore e tyre do të vazhdojë deri në ditën e 35-të, koha e mjaftueshme për konceptimin dhe daljen e pinguinit-fëmijë nga veza.

“Ata duhen e përkushtohen ndaj njëri-tjetrit që prej gjashtë muajsh si të ishin mashkull e femër” tregon kujdestari i tyre për mediat spanjolle.

Nuk është hera e parë që pinguinët gay përbëjnë lajm. Në fakt ciftet e meshkujve janë një realitet jo i rrallë mes tyre, fenomen që biologët e shpjegojnë me faktin se tek meshkujt e këtyre zogjve, instiktet e amësisë janë tejet të zhvilluara, një tjetër karakteristikë e tyre, që i bashkangjitet asaj të besnikërisë në lidhje, që në 90 përqind të rasteve zgjat deri “në vdekje”./t-ch/

nuk qenkan vetem njerezit te tille,por qenkan edhe gjallesat