“Harrojne” qe ishin bere milionere!

Nje çift nga Britania e Madhe, zbuloi se kishte fituar nje loto me vlere 1 milion paund, kuponin e te ciles e mbante per me shume se dy muaj te ngjitur me magnete ne siperfaqen e frigoriferit, pa e ditur vleren e tij.



Alan dhe Kim Elliot e hapnin frigoriferin çdo dite, por pa e ditur se kuponi qe kishin ngjitur aty, ishte ai me fat, qe do t’i bente super te pasur. Ata e kishin blere ate ne muajin mars, kur edhe ishte hedhur shorti i llotos “EuroMillions”.
Para pak ditesh Alan vendosi te shikonte ne gazete se cili ishte fituesi i 1 milion paundeve dhe i çuditur, mesoi se ishte vete ai. Vertet çifti humbi 7.500 paunde, pasi nuk e dorezoi kuponin fitues brenda afateve kohore te percaktuara nga rregullatorja e llotos, por ne 1 milion paunde, çfare jane 7.500!
Tashme dy fatlumet po pergatiten te bejne pushime ne hotele luksoze, si dhe te blejne nje makine te re.
“Kur shkova ne agjenci, mesova se kisha fituar 1 milion paunde. Nuk e besoja ne fillim, kujtoja mos me benin shaka. Kur u binda per shumen qe kisha fituar, shkova menjehere ne shtepi, qe te lumturoja edhe bashkeshorten time”, tha Alan.
Nderkohe, Kim shton: “Alan me mori ne telefon dhe me tha se kishte diçka serioze per te me thene. Une u tremba se mos kishte ndodhur diçka e keqe dhe fillova te qaja. Kur ai hyri ne shtepi, me tha: “U beme milionere”. E humba krejt dhe m’u desh pak kohe per te kuptuar se çfare kishte ndodhur”, tha gruaja 45-vjeçare.
Pra, ndodh edhe keshtu. Ndaj fatit asnjehere nuk i dihet. albobserver.com.

epo ka raste qe te len kujtesa...