Më i pasur ndihesh nga respekti, sesa prej parave

nga **WebMaster** Fri 22 Jun 2012 - 1:34

Më i pasur ndihesh nga respekti, sesa prej parave

Në këtë përfundim ka dalë një studim, që tregon sesi admirimi dhe respekti i kolegëve dhe miqve ka një ndikim të madh në lumturi

Më i pasur ndihesh nga respekti, sesa prej parave Images

Respekti i miqve dhe kolegëve i bën njerëzit të jenë më të pasur, pasi
kënaqësia që marrim nga paratë zbehet. Në këtë përfundim ka dalë një
studim, që tregon sesi admirimi dhe respekti i kolegëve dhe miqve tanë
ka një ndikim të madh në lumturi, sesa llogaria bankare, apo statusi i
të qenit i pasur.
Psikologët nga Universiteti i Kalifornisë, kanë vlerësuar katër studime,
për të shikuar lidhjen midis tipeve të ndryshëm të statuseve dhe
lumturisë së përgjithshme të jetës. Në bazë të përmbledhjes së
studimeve, të botuara në revistën "Science Psikology", thuhet se
ekzistonin prova të qarta se statusi sociometrik ishte i lidhur me
mirëqenien, ndërsa statusi socio-ekonomike nuk ishte. Cameron Anderson,
një nga udhëheqësit e projektit, ka shpjeguar: "Një nga arsyet përse
paratë nuk e blejnë lumturinë është se njerëzit nuk përshtaten shpejt me
nivelin e ri të të ardhurave, apo pasurisë. Për shembull, fituesit e
llotarive, fillimisht janë të kënaqur, por më pas kthehen menjëherë në
nivelin e tyre origjinal të lumturisë. Ndërsa po të respektohesh, të
kesh ndikim te shoqëria dhe të integrohesh në mënyrë sociale, të jep më
tepër shpërblim". (Telegraph)