Shkodër, vritet për hasmëri një 40-vjeçar 3 në kërkim

SHKODER-Një vrasje me armë zjarri është shënuar sot
paradite në komunën Bushat të Shkodrës. Policia zbuloi se viktima ishte
denuar me pare per vrasje, ndersa ka nisur kerkimet per 3 persona te
dyshuar si autoret e krimit.

Policia e Shkodrës bëri të ditur se
shtetasi Lulash Qarri, 40 vjec është qëlluar për vdekje me armë zjarri.
Sipas bluve, viktima rezulton me precendet penale te meparshem.
'Sot rreth
orës 10.20, është marrë informacion se në qëndër të Komunës Bushat, të
rrethit Shkodër, pikërisht në parkingun pranë godinës së Komunës, është
vrarë me armë zjarri shtetasi Lulash Qarri, vjeç 40, banues në fshatin «
Mali i Jushit », komuna Bushat, i dënuar më parë, ne vitin 2001, nga
Gjykata e Rrethit Gjyqësor Shkodër, me 13 vjet heqje lirie, për veprën
penale « Vrasje me dashje », citon policia ne nje njoftim shtypi.

Trupi është vrare dhe hedhur në një kanal prane vendit te ngjarjes.
“Nga
hetimet e kryera në vendin e ngjarjes, mësohet se viktima është qëlluar
me armë zjarri pranë automjetit të tij tip benz dhe është lënë në një
kanal pranë vendit të krimit”.

HETIMET
Ekspertët
e policisë kriminale si dhe të Prokurorisë së rrethit kanë nisur
hetimet për ngjarjen në fjalë. Praprakisht bëhet me dije se ngjarja ka
ndodhur për motive hakmarrje

Disa orë pas vrasjes, Policia e Shkodrës sqaroi se për vrasjen e 40-vjecarit dyshohet se janë 3 persona autorët e krimit.

‘Me
të marrë këtë informacion, në vendin e ngjarjes kanë mbërritur forcat e
Drejtorisë së Policisë Qarkut Shkodër dhe grupi hetimor, ku si rezultat
i veprimeve të para hetimore, u bë e mundur identifimi dhe shpallja në
kërkim e autorëve të krimit, shtetasve N.Q., A.Q. dhe G.Q. (gjeneralitet
e të cilëve për arsye hetimi nuk jepen të plota)’.

Aktualisht
forca të shumta policore ndodhen në vendin e ngjarjes, ku është bërë
rrethimi i zonës dhe janë ngritur kontrolle në të gjitha akset rrugore
që lidhen me Komunën Bushat, për të bërë të mundur kapjen e autorëve të
dyshuar të krimit.

(d.b/BalkanWeb)