Nisi viti i ri shkollor, dhuratë abetarja e përbashkët

Janë bërë të gjitha përgatitjet që sot të nisë mbarë viti i ri shkollor. Ministria e Arsimit, Shkencës dhe Teknologjisë pret që ky vit shkollor të jetë i suksesshëm, pohojnë në Ministrinë e Arsimit. Në bankat e klasës së parë do të ulen për herë të parë 36261 nxënës, transmeton Koha.

Mësohet se mësimet parauniversitare do t’i ndjekin 46 mijë nxënës në mbi 1 mijë objekte shkollore.Fillimin e vitit të ri shkollor kësaj armate nxënësish, që cilësohen si ardhmëria e vendit, ua kanë uruar udhëheqësit më të lartë të vendit: presidentja Atifete Jahjaga, kryeministri Hashim Thaçi, ministri Ramë Buja, kryetari i Prishtinës, Isa Mustafa dhe të tjerët.

E veçanta e këtij viti të ri shkollor sivjet është se për herë të parë nxënësit e klasës së parë në Kosovë e Shqipëri do të mësojnë nga e njëjta abetare.

Tashmë është kthyer në traditë që për filloristët të jenë falas edhe tekstet shkollore.

Ndërsa sa i përket anës teknike, ndonëse është besuar se do jenë të kryera 8 shkolla deri në shtator, në pjesën e parë të shtatorit, pritet të përurohen vetëm 5 shkolla të reja.

Sipas RTK-së, shkollat që pritet të përurohen janë dy të mesme në Prishtinë, një shkollë fillore në Gjilan, një shkollë fillore në Fushë-Kosovë dhe më Gjinoc të Suharekës.

Do të jenë të gatshme edhe 5 shkolla të reja, si në Banjë të Malishevës, një në Mushtisht të Suharekës, një shkollë të mesme në Gjakovë, një shkollë fillore në Podujeve dhe një në Vushtrri. Ndërsa, aktualisht janë gjithsejtë 27 shkolla në ndërtim./knninfo/

Sa mir nejse u uroj suksese te gjithve...