Kapet me armë dhe municione pa leje, pranga efektivit të FNSH

TIRANË-Një punonjës i policisë së Repartit të Forcave
të Ndërhyrjes së Shpejtë është prangosur sot në flagrancë nën dyshimin
se kryente veprën penale ‘Trafikim të armëve dhe municioneve.

Drejtoria
e Policisë, Qarku Tiranë bëri me dije sot se mbrëmë, Seksioni Kundër
Krimeve ndaj Jetës dhe Lirisë së Personit në Policinë e Kryeqytetit
arrestoi në flagrancë shtetasin Denis Sokol Sukni, 28 vjeç, banues në
Tiranë, me profesion punonjës policie i repartit te FNSH nr.712 Tiranë.

Arrestimi
i tij u realizua pasi dje në mesditë në rrugën “Kongresi i Lushjes”
afër lokal “Koloseu” i është kapur në flagrancë si dhe gjatë kontrollit
personal (fizik) janë gjetur në çantën e tij të krahut një armë zjarri,
pistolete tip “Makarov”me një krëhër me shtatë copë fishekë luftrak të
kalibrit 9 mm të cilën e mbante pa leje të organeve kompente.

Ndërkohë,
gjatë kontrollit të ushtruar në automjetin e tij, tip “Mercedes Benz”,
ndër të tjera janë gjetur dhe sekuestruar në cilësinë e provës materiale
7 (shtatë) krëhër automatiku dhe një sasi 130 (njeqind e tridhjetë)
copë fishekësh luftarak mod 56, kalibrit 7.62 mm, një sasi prej 20 copë
fishekë mod 54, kalibrit 7.62, tre fenelina, një shkop bejsbolli.

Në
kuadër të kryerjes se veprime proceduriale për një hetim të plotë dhe
të gjithanshëm në ngarkim të këtij shtetasi ju sekuestrua në cilësinë e
provës materiale dhe arma organike e shërbimit një pistolete, tipi TT.

(d.b/BalkanWeb)