Plagosja me armë në qendër të Lushnjës, kapet autori

LUSHNJE – Arrestohet nga policia autori i plagosjes me armë të ndodhur në qytetin e Lushnjës tri ditë më parë.
Burime zyrtare të policisë, thanë se kanë arrestuar shtetasin Genci Shurdhi, i cili ishte shpallur në krkim për veprat penale “vrasje e mbetur në tentativë” dhe “armëmbajtje pa leje”
Prej tri ditësh i dyshuari ishte shpallur në kërkim me akuzën se ka plagosur me armë pas një sherri banal, në qendër të Lushnjës, shtetasin Ristan Shurdhi i cili pasi është qëlluar me një plumb në këmbë u dërgua në spitalin rajonal ku ndodhet jashtë rrezikut për jetën.
Artikulli i datës 12 March 2010 10:17
Përleshje me armë në Lushnjë, në kërkim 2 autorët, një i plagosur
LUSHNJE – Një person mbeti i plagosur me armë zjarri pas një sherri banal të ndodhur mbrëmë gjatë natës në qendër të qytetit të Lushnjës.
Sipas burimeve nga policia, një grup të rinjsh u grindën mes tyre në qendër të qytetit duke përdorur më pas dhunën fizike dhe në fund, edhe armët e zjarrit.
Policia thotë se pas përleshjes fizike, shtetasi i dyshuar Genci Shurdhi ka qëlluar me armë zjarri tip pistoletë, në drejtim të shtetasit Ristan Shurdhi duke i shkaktuar plagosje të rëndë në këmbë.
Forcat e rendit shkuan menjëherë në vendin e ngjarjes ndërsa autorët e krimit ishin larguar.
Genci Shurdhi dhe Mishel Veliu, janë shpallur në kërkim nga policia me akuzën e plagosjes dhe armëmbajtjes pa leje ndërsa policia ka dërguar në spital të plagosurin Ristan Shurdhi për ndihmën e parë mjekësore.
Shkak i konfliktit të ndodhur mes dy palëve mbrëmë në orët e vona të natës, ka qenë një zenkë për arësye banale.