Ribashkimi i Shqipërisë varet nga ne shqiptarët!

Kosova
dhe trojet tjera etnike shqiptare do të jenë (dhashtë Zoti i
madhërishëm) pjesë e Shqipërisë, kur do të ndodhë varet më së shumti nga
ne shqiptarët.......
Përpjekja shekullore e shqiptarëve për të
ribashkuar tokat e tyre ku kanë jetuar dhe jetojnë me mijëra vite në një
shtet të vetëm ka qenë dhe mbetet dëshira dhe synimi i të gjithë
shqiptarëve të mirëfilltë gjatë gjithë historisë sonë të
dhimbshme....... Me shpalljen e Pavarësisë së Kosovës në vitin 2008, u
bë një hap i madh drejt qëllimit përfundimtar të bashkimit të të gjitha
trojeve shqiptare në një shtet të vetëm Shqiptar.......
Bashkimi i
trojeve shqiptare përveç që është një obligim patriotik kombëtar, për ne
është edhe e domosdoshme për mbijetesë duke e ditur se jemi të rrethuar
me fqinjë, strategjia kombëtare e të cilëve ka qenë dhe mbetet
gjithmonë copëtimi i tokave tona...... Formimi i një shteti të vetëm
shqiptar përpos që do të eliminonte konfliktet (nëse jo gjithmonë, bile
për një kohë më të gjatë), do të mundësonte një mirëqenie ekonomike më
të mirë për të gjithë duke pasur parasysh se do të bëheshim një treg më i
madh dhe më i lakmueshëm për investitorët e mëdhenj, duke i shtuar
kësaj edhe mundësitë e shumta turistike, të minierave, energjetike etj,
etj...!
Ndërsa sa i përket integrimit në Bashkimin Evropian, nuk mund
të ketë integrim në BE pa pas së pari integrim të vetë shqiptarëve. Kjo
është në bazë të strategjisë së tanishme të zhvillimeve në Evropë, kjo
nuk është domosdoshmërisht edhe për të ardhmen sepse në të ardhmen mund
edhe mos të ketë fare Bashkim Evropian......... Prandaj, ne duhet të
kemi strategjinë tonë kombëtare në vazhdim, duke i përcjell zhvillimet
ndërkombëtare në mënyrë që procesi i bashkimit të jetë sa më i favorshëm
dhe më i lehtë për ne.
Kjo duhet të jetë strategjia jonë kombëtare
nëse dëshirojmë të mbijetojmë si komb në këtë rajon. Arritja e bashkimit
kombëtar varet pikë së pari nga vetë shqiptarët. Nëse ne e kërkojmë një
gjë të tillë dhe punojmë intensivisht në atë drejtim, do ta kemi edhe
mbështetjen edhe të fuqive të mëdha. Kjo jo pse jemi "simpatik" për
Amerikën, Gjermaninë ose Anglinë etj, por sepse me atë do të siguronim
stabilitet, do të siguronim partner të mirëfilltë dhe se do të krijonim
një shtet demokratik e përparimtar...
(Autori është publicist nga Prishtina dhe anëtar i Kryesisë dhe Këshillit Kombëtar të ”ALEANCA KUQ E ZI”)

mqfsh mu se jon kosovart ato qe shesin pordh e sdun me u bashku me na;jo na shqiptart...